အိန္ဒိယနိုင်ငံဝန်ကြီးချုပ် H.E. Shri Narendra Modi နှင့် ဇွန် ၁ ရက်တွင် အိန္ဒိယနိုင်ငံ၊ နယူးဒေလီမြို့ရှိ Hyderabad House ၌တွေ့ဆုံဆွေးနွေးခဲ့မှုမှာ အောင်မြင်သည့်တွေ့ဆုံဆွေးနွေးမှုဖြစ်ခဲ့ဟု နိုင်ငံတော်သမ္မတ ဦးမင်းအောင်လှိုင်က DD India သတင်းဌာနနှင့် တွေ့ဆုံမေးမြန်းမှုပြုလုပ်စဥ်ဖြေကြားခဲ့ခြင်းဖြစ်သည်။
” ဆွေးနွေးတဲ့အကြောင်းအရာကတော့ အဓိက အများကြီးရှိပါတယ်။ နှစ်နိုင်ငံစီးပွားရေးပူးပေါင်းဆောင်ရွက်ဖို့နဲ့ ကုန်သွယ်မှုမြှင့်တင်ရေးကိစ္စတွေကိုလည်း ပြောပါတယ်။ အထွေထွေဆွေးနွေးဖြစ်ပါတယ်”ဟု နိုင်ငံတော်သမ္မတက ဖြေကြားသည်။
” အိန္ဒိယနိုင်ငံကနေ မြန်မာနိုင်ငံမှာလာရောက်ရင်းနှီးမြှုပ်နှံနိုင်မယ့် အခွင့်အလမ်းတွေ၊ အိန္ဒိယနိုင်ငံရဲ့ဖွံ့ဖြိုးတိုးတက်မှုတွေနဲ့ပတ်သက်ပြီး မြန်မာနိုင်ငံနဲ့သင့်တော်တာတွေရယူနိုင်ဖို့အတွက်လည်းဆွေးနွေးခဲ့ပါတယ်”ဟု နိုင်ငံတော်သမ္မတက ဖြေကြားသည်။
” ပညာရေးကဏ္ဍ၊ ကျန်းမာရေးကဏ္ဍ၊ ကာကွယ်ရေးကဏ္ဍ၊ ရေကြောင်းလုံခြုံရေးဆိုင်ရာ၊ နယ်နိမိတ်ဆိုင်ရာ၊ စိုက်ပျိုးမွေးမြူရေးလုပ်ငန်းတွေအပါအဝင် ကဏ္ဍပေါင်းစုံဆွေးနွေးနိုင်ခဲ့ပါတယ်။ အချိန်နှစ်နာရီကျော်လောက်တွေ့ဆုံဆွေးနွေးခဲ့ပါတယ်။ အောင်မြင်တဲ့တွေ့ဆုံဆွေးနွေးမှုတစ်ခုရရှိခဲ့တယ်လို့ပြောချင်ပါတယ်”ဟု နိုင်ငံတော်သမ္မတ ဦးမင်းအောင်လှိုင်က ဖြေကြားခဲ့သည်။