နေပြည်တော် ဩဂုတ် ၄ပြည်တွင်းမှာဖြစ်ပွားနေတဲ့ ကိုဗစ်(၁၉) ကူးစက်မှုကို ထိန်းချုပ်ကုသနိုင်ရေးအတွက် လိုအပ်တဲ့ ဆေးဝါးတွေကို အိန္ဒိယနယ်စပ် မိုရေး-တမူးလမ်းကြောင်းကတဆင့် တင်သွင်းခွင့်ပြုလိုက်ပြီဖြစ်ပါတယ်။
အိန္ဒိယနိုင်ငံမှဆေးဝါးတင်သွင်းခြင်းကို မြန်မာနိုင်ငံအစားအသောက်နှင့်ဆေးဝါးကွပ်ကဲရေးဦးစီးဌာနရဲ့ ခွင့်ပြုချက်ရယူပြီးတင်သွင်းခွင့်ရရှိပြီဖြစ်တာ ကြောင့် ကုန်သည်များအနေဖြင့်FDAမှထုတ်ပြန်ချက်များနှင့် Supplier ထံမှလိုအပ်သည့် Document များရယူပြီး FDA ၏ခွင့်ပြုချက်နှင့်အညီတင်သွင်းနိုင်တော့မှာဖြစ်ပါတယ်။
FDAခွင့်ပြုချက်ရရှိရေးကိုလဲအချိန်နှင့်တပြေးညီအမြန်ရရှိရေးကိုဌာနအနေနှင့်ဆောင်ရွက်ပေးမယ်လို့ မြန်မာFDA က အသိပေးထားပြီးဖြစ်ပါတယ်။
နစက စီပွား ရေးနှင့်ကူးသန်း ရောင်းဝယ် ရေး ဒုတိယဝန်ကြီး ဦးညွန့် အောင် က ဩဂုတ် ၂ရက်နေ့ကပြုလုပ်ခဲ့သည့်အစည်းဝေးတွင်အောက်ပါတို့ကို ထည့်သွင်းပြောကြားခဲ့ပါသေးတယ်။
ဆေးဝါးတင်သွင်း ဖြန့်ဖြူးသည့် ကုမ္ပဏီများ အ နေဖြင့် ယခင်က အတိုင်း ဆေးဆိုင်များသို့ တိုက်ရိုက်ပို့ဆောင်ဖြန့်ချိ ပေးရန်အပြင် ဆေးဝါးနှင့် ဆေးပစ္စည်းအ ရောင်းဆိုင်များ အားလုံး ဖွင့်လှစ် ရောင်းချရန်၊ မြန်မာ _ အိန္ဒိယ နှစ်နိုင်ငံနယ်စပ် တမူး_ မိုး ရေး နယ်စပ် ကုန်သွယ် ရေး ဂိတ် (၁) နှငိ့ဂိတ် (၂) တို့မှတစ်ဆင့် ဆေးဝါးများ အမြန်ဆုံးတင်သွင်းရန်၊ အိန္ဒိယနိုင်ငံ ကိုးလ်ကတ္တားမြို့ ဆိပ်ကမ်းတွင် ရောက်ရှိ နေ သော မြန်မာ့ပဲတင်ပိုသည့် သင်္ဘော သည်သြဂုတ် ၁၂ရက် တွင် အိန္ဒိယနိုင်ငံမှ ပြန်လည်ထွက်ခွာမည်ဖြစ်၍ ဆေးဝါး ဆေးပစ္စည်းများ ဆေးဝါးကုန်ကြမ်း ပစ္စည်းများ ကုန် သေတ္တာ၈၀ခန့် တင်သွင်းနိုင် ကြောင်းတို့ကို ဆေးဝါးကုမ္ပဏီများသိုအသိ ပေးသွားရန် တို့ထည့်သွင်း ပြောကြားခဲ့ပါတယ်။