ရိုးရာဖိုက်တာကျော်စွာဝင်းနှင့် ထိုင်းဖိုက်တာ လိပ်နင်ဂျာ ဆမင်းဒမ်းတို့ ယနေ့မတ်လ (၁၉)ရက်တွင် ဆေးစစ်ဝိတ်ချိန်ခဲ့ရာ ဆမင်းဒမ်းက 136.2 ပေါင်နှင့် ကျော်စွာဝင်းက 134.8 ပေါင်ရှိခဲ့ကြကြောင်း သိရသည်။
ဝိတ်ကွာခြားချက်အရ ကနဦး ပွဲပျ-က်သည်ဟု သတင်းများထွက်ပေါ်ခဲ့သော်လည်း ရိုးရာဖိုက်တာကျော်စွာဝင်းလေ့ကျင့်နေသည့် ဖဲလ်တက်ကလပ်၏ ခွင့်ပြုချက်ဖြစ် နောက်ဆုံးယှဉ်ပြိုင်ထိုးသတ်ရန် သဘောတူညီခဲ့ကြသည်။
ထို့ကြောင့် ကျော်စွာဝင်းဘက်မှ ဆမင်းဒမ်း၏ ထိုးကြေးအတွင်းမှ ၃၀ ရာခိုင်နှုန်း ခံစားခွင့်ရရှိခဲ့ကြောင်း သိရသည်။
ရိုးရာဖိုက်တာ ကျော်စွာဝင်းက “Pro ပီသတဲ့ ကစားသမားကြီးဖြစ်ချင်တော့လဲ 61 ဆိုသော ဝိတ်ကော ရေဓာတ်ကော အားလုံးအဆင်ပြေစွာနဲ့ ဝင်သွားပါတယ် ခင်ဗျ”ဟု ရေး သားမျှဝေထားသည်။
၎င်းတို့နှစ်ဦးသည် မနက်ဖြန် မတ်လ (၂၀)ရက် ညပိုင်းတွင် ကျင်းပပြုလုပ်မည့် ONE Friday Fight -147 ပွဲစဉ်အတွင်း ထိပ်တိုက်တွေ့ဆုံတော့မည်ဖြစ်သည်။
ရိုးရာဖိုက်တာကျော်စွာဝင်းသည် ONE Friday Fights-139 ပွဲစဉ်အတွင်း ဂျပန်ဖိုက်တာမူဂါ ကို ဒုတိယအချီတွင် အလဲထိုးပြထားနိုင်သူဖြစ်သလို မြန်မာ့ရိုးရာလက်ဝှေ့ပညာဖြင့် ONE မှာ မျိုးဆက်သစ်အနေဖြင့် ဝင်ရောက်ယှဉ်ပြိုင်နေသူဖြစ် သည်။
ကျော်စွာဝင်းသည် ပြိုင်ဘက်ဖြစ်သူကို တုံ့ပြန်သည့် နေရာ၌ Counter striker ကစားပုံဖြင့် တုန့်ပြန်တတ်ပြီး၊ နောက်မဆုတ်တမ်း ရှေ့တိုးထိုးသ-တ်တတ်ကာ ပါဝါပါသည့် လက်သီးချက်ဖြင့် ပြိုင်ဘက်ကို အလဲထိုးကစားတတ်သူဖြစ် သ ည်။
ပြိုင်ဘက်လိပ်နင်ဂျာ ဆမင်းဒမ်းမှာမူ ONE Friday Fights ပွဲစဉ်အတွင်း ခြေကန်ချက်များဖြင့် အစွမ်းပြနေသူဖြစ်ပြီး လက်ရှိအချိန်အထိ ရလဒ်ကောင်းများ ပိုင်ဆိုင်ထားသူလ ည်းဖြစ်သည်။
ဆမင်းဒမ်းသည် အောက်ခြေကန်ချက်များနှင့်အတူ လက်သီးတွဲလုံးများက ပြိုင်ဘက်ကို အမြဲဖိအားပေးကစားနိုင်စွမ်းရှိပြီး ယခုနှစ်အတွင်း နိုင်ပွဲ (၄) ပွဲဆက်တိုက် အနိုင်ရထားသူဖြစ်သည်။