တရုတ်နိုင်ငံ၊ ပေကျင်းမြို့၌ “တရုတ်-အာဆီယံ ဉာဏ်ရည်တုလုပ်ငန်းဆိုင်ရာ တီထွင်ဆန်းသစ်မှုစင်တာ”ကို မေ ၂၄ ရက်ကဖွင့်လှစ်ရာ တရုတ်နိုင်ငံဆိုင်ရာ မြန်မာ နိုင်ငံသံရုံး၏ သံအမတ်ကြီးဦးဇော်ဝင်းမြင့်မှ တရုတ်နိုင်ငံ၊ စက်မှုနှင့် သတင်းအချက်အလက်နည်းပညာဝန် ကြီးဌာန၏ဖိတ်ကြားချက်အရ တက်ရောက်ခဲ့သည်။
မြန်မာသံအမတ်ကြီးက ယခုဖွင့်လှစ်သည့် စင်တာအား ဗီယက်နမ်နိုင်ငံ၊ ဟနွိုင်းမြို့တွင်ကျင်းပခဲ့သည့် (၆) ကြိမ်မြောက် အာဆီယံဒစ်ဂျစ်တယ်ဝန်ကြီးများအစည်း အဝေးနှင့် ဆက်စပ်အစည်းအဝေးများတွင်ချမှတ်ခဲ့သော မဟာဗျူဟာမြောက်မျှော်မှန်းချက်ကိုအကောင် အထည်ဖော်ခြင်းဖြစ်သည်ဟု ပြောသည်။
စင်တာသည် နည်းပညာတိုးတက်ရေးနှင့် ဒေသတွင်း ပေါင်းစည်းရေးအတွက် တွန်းအားတစ်ရပ်အဖြစ်ဆောင်ရွက်မည်ဖြစ်၍ ပူးပေါင်းဆောင်ရွက်မှုများပြည့်ဝပြီး ဖွံ့ဖြိုးတိုးတက်သော ဒစ်ဂျစ်တယ်ခေတ်သစ်တစ်ခုကိုမျှော်လင့်သည်ဟုလည်း ပြောကြားခဲ့သည်။
စင်တာဖွင့်ပွဲတွင် တရုတ်နိုင်ငံ၊ စက်မှုနှင့်သတင်းအ ချက်အလက်နည်းပညာဝန်ကြီးဌာန ဒု-ဝန်ကြီး H.E. Mr. Ke Jixin နှင့် အာဆီယံဆိုင်ရာအတွင်းရေးမှူးချုပ် H.E. Dr. Kao Kim Hourn တို့ကလည်း အဖွင့်မိန့်ခွန်းများ ပြောကြားခဲ့ကြသည်။
