ပါတီစုံဒီမိုကရေစီအထွေထွေရွေးကောက်ပွဲကျင်းပပြီးချိန်၌ လွှတ်တော်(၃)ရပ်အတွက် ရွေး ကောက်တင်မြှောက်မှုများကို ဥပဒေနှင့်အညီဆောင်ရွက်သွားရမည်ဟု နစက ဥက္ကဋ္ဌ၊ နိုင်ငံ တော်ဝန်ကြီးချုပ် ဗိုလ်ချုပ်မှူးကြီးမင်းအောင် လှိုင်မှ ဖေဖော်ဝါရီ ၃ ရက်နံနက်ပိုင်းကကျင်းပသည့် ပြည်ထောင်စုအစိုးရအဖွဲ့၏ လုပ်ငန်းညှိနှိုင်းအစည်းအဝေးတွင် မှာကြားခဲ့သည်။
ပါတီစုံဒီမိုကရေစီအထွေထွေရွေးကောက်ပွဲတစ်ရပ်ကျင်းပပေးနိုင်ရေးသည် မိမိတို့၏ အန္တိမရည်မှန်းချက်ဖြစ်၍ အထွေထွေရွေးကောက်ပွဲကျင်းပပေးပြီးပေါ်ပေါက်လာသည့် လွှတ်တော်များအတွင်းတွင်လည်း တိုင်းရင်းသားများနှင့် လူထုလူ တန်းစားအလွှာများကို ကိုယ်စားပြုသူများ ကျယ်ပြန့်စွာပါဝင်လာရေးအတွက် ဆောင်ရွက်သွားမည်ဟု ပြောသည်။
ထို့ကြောင့် နိုင်ငံရေးပါတီများအနေဖြင့် လိုအပ်သည့်ကြိုတင်ပြင်ဆင်မှုများဆောင်ရွက်သွားရမည်ဖြစ်ကာ မဲဆွယ်စည်းရုံးမှုများဆောင်ရွက်နိုင်ရန် လုံခြုံရေးနှင့် တည်ငြိမ်အေးချမ်းမှုရှိရေးလိုအပ်မည်ဖြစ်ကာ နိုင်ငံတော်အပိုင်းမှ ရွေး ကောက်ပွဲအောင်မြင်မှုရှိစေရေးအတွက် ကြိုတင်ပြင်ဆင်ရမည်များကို စနစ်တကျတွက်ချက်၍ ဥပဒေများနှင့်အညီဆောင်ရွက်ရမည်ဟု မှာကြားသည်။
ထို့အတူ တိုင်းနှင့် ပြည်နယ်ဝန်ကြီးချုပ်များ၊ တာဝန်ရှိသူများအနေဖြင့် ရွေးကောက်ပွဲနှင့်သက်ဆိုင်သည့်ဥပဒေများကို စေ့စပ်ကျယ်ပြန့်စွာ လေ့လာထားရမည်ဖြစ်ပြီး နိုင်ငံရေးပါတီများမှလည်း လိုအပ်သည်များကိုကြိုတင်ပြင်ဆင်ထားရမည်ဟု မှာကြားသည်။
” ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးနဲ့ ပြည်နယ်လွှတ်တော် လွှတ် တော်(၃)ရပ်အတွက် ရွေးကောက်တင်မြှောက်မှုတွေကို ဥပဒေနဲ့အညီဆောင်ရွက်သွားရပါမယ်”ဟု နစက ဥက္ကဋ္ဌကမှာကြားသည်။
ထို့ပြင် ရွေးကောက်ပွဲတွင် မဲမသမာမှုများမဖြစ်စေရေး၊ မဲဆန္ဒရှင်များအနေဖြင့် မဲပေးရာတွင် ရှင်းလင်းလွယ်ကူစွာမဲပေးနိုင်ရေး၊ မဲရလဒ်မှန် ကန်ရေး၊ ပယ်မဲမရှိရေး၊ မဲမသမာမှုမပြုလုပ်နိုင်ရေးနှင့် ပွင့်လင်းမြင်သာမှုရှိစေရေးအတွက် မြန် မာအီလက်ထရောနစ်မဲပေးစက်(Myanmar Electronic Voting Machine)ကို အသုံးပြုနိုင်ရန် စီမံဆောင်ရွက်လျက်ရှိသည်ဟုလည်း နစက ဥက္ကဋ္ဌက ပြောကြားခဲ့သည်။