ရန်ကုန်၊ စက်တင်ဘာ ၁၆
ရန်ကုန်မြို့တွင်း YBS ယာဉ်များ စီးနင်းရာတွင် ယာဉ်စီးခ ပေးချေနိုင်သည့် YPS Card များအနက် လူကြိုက်များလှသည့် ချယ်ရီပန်းပုံ ရို-က်နှိပ်ထုတ်လုပ်ထားသော YPS Card များကို အရောင်းကောင်တာများတွင် ပြန်လည်ဝယ်ယူနိုင်ပြီဖြစ်ကြောင်း သိရသည်။
အဆိုပါ ချယ်ရီပန်းပုံ YPS Card များသည် အသုံးပြုရ လွယ်ကူသည့်အပြင် ဒီဇိုင်းလှပဆန်းသစ်သောကြောင့် ကိုယ်တိုင်အသုံးပြုရန်အတွက်သာမက လက်ဆောင်အဖြစ် ပေးအပ်ရန်အတွက်ပါ အထူးအသုံးဝင်သည့် Card အမျိုးအစား ဖြစ်သည်။
လက်ရှိတွင် YPS Card များကို ဆူလေ၊ သခင်မြပန်းခြံ၊ မြန်မာပလာဇာ၊ လှည်းတန်း၊ ၈ မိုင် Junction 8 အရှေ့၊ ပန်းဆိုးတန်း၊ သမိုင်းနှင့် မြေနီကုန်းတို့ရှိ YPS အရောင်းကောင်တာများတွင် ဝယ်ယူရရှိနိုင်မည်ဖြစ်သည်။
ရန်ကုန်မြို့တွင်း YBS စီးနင်းရာ၌ ယာဉ်စီးခ ပေးချေရန်အတွက် YPS Card သုံးစွဲသူ ၅ သိန်းအထိ ရှိလာပြီဖြစ်ပြီး ယခုကဲ့သို့ Card ဖြင့် ပေးချေသည့်စနစ် အသုံးပြုခြင်းကြောင့် ခရီးသည်များအနေဖြင့် ယာဉ်စီးခအတွက် ငွေအကြွေ ရှာဖွေရသည့် အခက်အခဲများကို လျှော့ချပေးနိုင်မည် ဖြစ်သည်။
အသေးစိတ် အချက်အလက်များ သိရှိလိုပါက YPS Call Center ဖုန်းနံပါတ် 09-777 666 999 သို့ ရုံးချိန်အတွင်း ဆက်သွယ်စုံစမ်းနိုင်ကြောင်း သိရသည်။