ရန်ကုန်၊ ဇူလိုင် ၂၃
မြန်မာရိုးရာလက်ဝှေ့ဖို-က်တာ နက္ခတ်မင်းသည် ONE Championship တွင် ပွဲဦးထွက်အဖြစ် အတွေ့အကြုံရင့် ထိုင်းဖို-က်တာ ပွန်ပက်နှင့် ယှဉ်ပြိုင်ထိုးသ-တ်သွားမည်ဖြစ်ကြောင်း ONE အဖွဲ့အစည်း၏ ထုတ်ပြန်ချက်အရ သိရသည်။
၎င်းတို့နှစ်ဦး၏ ပွဲစဉ်ကို မနက်ဖြန် ဇူလိုင် (၂၄) ရက်တွင် ကျင်းပမည့် ONE Friday Fights-163 ပြိုင်ပွဲ၏ ပတွဲခေါင်ဆိုင်းအဖြစ် ထည့်သွင်းထားခြင်းဖြစ်သည်။
နက္ခတ်မင်းသည် ယခင်က ပွန်ပက်နှင့် ထိုးသ-တ်ရန် စီစဉ်ထားသည့် ဖိုက်တာ ဒက်ချို ဒ-ဏ်ရာကြောင့် နုတ်ထွက်သွားခဲ့သဖြင့် ၎င်း၏နေရာတွင် အစားထိုးဝင်ရောက်ယှဉ်ပြိုင်ခွင့် ရရှိခဲ့ခြင်းလည်း ဖြစ်သည်။
နက္ခတ်မင်းနှင့် ရင်ဆိုင်ရမည့် ထိုင်းဖို-က်တာ ပွန်ပက်သည် ONE ဘက်က စာချုပ်ချုပ်ဆိုရန် စောင့်ကြည့်ခံနေရသည့် ဖို-က်တာတစ်ဦးဖြစ်သည်။ ပွန်ပက်သည် ကျောက်ဆူရိုင်းကို TKO ဖြင့် အနိုင်ယူထားသည့်အပြင် ဆူရီယန်လက်၊ ယော့လဖက်၊ အော့တီကော့ အစရှိသည့် နာမည်ကြီးဖို-က်တာများနှင့်လည်း ရင်ဆိုင်ဖူးသည့် မှတ်တမ်းကောင်းများ ပိုင်ဆိုင်ထားသည်။
၎င်း၏ လက်ရှိပွဲစဉ်မှတ်တမ်းများအရ နိုင်ပွဲ (၈) ပွဲ၊ ရှုံးပွဲ (၅) ပွဲ ရှိထားပြီး နိုင်ပွဲများအနက် (၃) ပွဲကို အလဲထိုး (KO/TKO) ဖြင့် အနိုင်ရရှိထားသူဖြစ်သည်။
ယခုပွဲစဉ်သည် နက္ခတ်မင်းအတွက် ONE Championship ပွဲဦးထွက်တွင်ပင် စိန်ခေါ်မှုကြီးမားသည့် ပွဲစဉ်တစ်ပွဲ ဖြစ်လာနိုင်ကြောင်း လက်ဝှေ့အသိုင်းအဝိုင်းက သုံးသပ်လျက်ရှိသည်။
ထို့အပြင် မနက်ဖြန်ကျင်းပမည့် ONE Friday Fights 163 ပြိုင်ပွဲတွင် မြန်မာပရိသတ်များ ရင်းနှီးသည့် ဘရာဇီးဖိုက်တာ၏ ဖလိုင်းဝိတ်ပွဲစဉ်အပါအဝင် မဟီဆူဝမ်နှင့် ယော့အူဒုန်းတို့၏ အက်တမ်ဝိတ် မွေထိုင်းတွဲဆိုင်းတို့လည်း ပါဝင်ယှဉ်ပြိုင်ကြမည်ဖြစ်ကြောင်း သိရသည်။
