ရန်ကုန်မြို့ရှိ အဆောက်အအုံများ၏ ငလျင်နှင့် သဘာဝဘေးအန္တရာယ်ခံနိုင်ရည်အခြေအနေကို အကဲဖြတ်စစ်ဆေးနိုင်ရန် မြန်မာနိုင်ငံငလျင်ကော်မတီက ရန်ကုန်မြို့တော်စည်ပင်သာယာရေးကော်မတီနှင့် ရန်ကုန်နည်းပညာတက္ကသိုလ်တို့ ပူးပေါင်းကာ Pilot Project အဖြစ် ဇူလိုင်လ ပထမအပတ်အတွင်း စတင်ဆောင် ရွက်ခဲ့ကြောင်း သိရသည်။
အဆိုပါ စီမံကိန်းအရ ရန်ကုန်မြို့ရှိ မြို့ နယ်သုံးခုမှ ရပ်ကွက်သုံးခုကို ရွေးချယ်ကာ အဆောက်အအုံများ၏ ငလျင်နှင့် သဘာဝဘေးအန္တရာယ်ဆိုင်ရာ အခြေအနေများကို ကွင်းဆင်းအကဲဖြတ် စစ်ဆေးခဲ့ကြောင်း ကော်မတီက ယနေ့ အသိပေးထားသည်။
ထို့ပြင် စီမံကိန်းဆောင်ရွက်နေစဉ် အတွင်း သက်ဆိုင်ရာရပ်မိရပ်ဖများနှင့် တာဝန်ရှိသူများကို တွေ့ဆုံကာ စီမံကိန်း၏ ရည်ရွယ်ချက်နှင့် လုပ်ငန်းစဉ်များကို ရှင်းလင်းတင်ပြခဲ့ပြီး ရပ်ကွက်အတွင်း ကြုံတွေ့နိုင်သည့် သဘာဝဘေးအန္တရာယ်ဆိုင်ရာ အခြေအနေများနှင့် စိန်ခေါ်မှုများကိုလည်း မေးမြန်းဆွေးနွေးခဲ့ကြောင်း သိရသည်။
အဆိုပါ Pilot Project မှ ရရှိလာမည့် အချက်အလက်များကို အခြေခံ၍ ရန်ကုန်မြို့ရှိ အဆောက်အအုံများ၏ ငလျင်အန္တရာယ်ခံနိုင်ရည်နှင့် သဘာဝဘေးကြိုတင်ပြင်ဆင်ရေး အစီအစဉ်များကို ပိုမိုထိရောက်စွာ ရေးဆွဲအကောင် အ ထည်ဖော်နိုင်ရန် ရည်ရွယ်ထားကြောင်း သိရသည်။
Photo-Myanmar Earthquake Committee