သန်လျင်မြို့နယ်ဒေသခံများကို Wilmar Myanmar Edible Oils Co.,Ltd နှင့် Resources Group Trading Co.,Ltd တို့မှ စားသုံးဆီရရှိသော လက်လီ/လက်ကားကိုယ်စားလှယ်များက ဇူလိုင်လအတွက် ဒုတိယအကြိမ်မြောက်အဖြစ် ယနေ့ ဇူလိုင် ၁၆ ရက်တွင် စားသုံးဆီများကိုလက်ဝယ်အရောက်ရောင်းချပေးခဲ့ကြောင်း သိရသည်။
သန်လျင်မြို့နယ်၊ ဘုရားကုန်းကျေးရွာအုပ်စု၊ လက်ယက်စမ်းကျေးရွာ၊ ဘုရားကုန်းကျေးရွာ၊ ကျိုက်ဒေးဝ၊ ဝါးကျောင်းကျေးရွာအုပ်စု၊ ကျောင်းလမ်းအုပ်စု၊ မဂ္ဂင် (၁)လမ်းမှ(၁၀)လမ်းအထိ၊ ဆည်ဘောင်အုပ်စု၊ မာလကာစမ်းလမ်းတို့၌နေထိုင်သူများကို အိမ်ထောင်စုတစ်စုလျင် စားသုံးဆီ(၁)ပိဿာနှုန်းဖြင့် သက်သာသောစျေးနှုန်းနှင့်ရောင်းချပေးခဲ့ကြောင်း သိရသည်။
ထို့ပြင် ကံဦးကျောင်းလမ်း၊ စျေးနောက်လမ်း(၁၊၂၊၃၊၄)၊ ဘုရားကြီးစျေးဝန်ထမ်းများ၊ မာယလမ်း၊ ကျိုက်ခေါက်ဘုရားလမ်းမကြီး၊ ဦးတင်မြခြံအုပ်စုတို့၌ နေ ထိုင်သူများကိုလည်း အိမ်ထောင်စုတစ်စုလျင် စားသုံးဆီ(၁)ပိဿာနှုန်းဖြင့် သက်သာစျေးနှုန်းနှင့်ရောင်းချပေးခဲ့ကြောင်း သိရသည်။
ပြီးခဲ့သည့် ရက်ပိုင်းအတွင်းကလည်း ဇူလိုင်လအတွက်ပထမအကြိမ်အဖြစ် သန်းခေါင်စာရင်း၊ ဧည့်စာရင်းတို့ဖြင့်နေထိုင်သော သန်လျင်ဒေသခံများကို စားသုံးဆီများအား သက်သာသောစျေးနှုန်းဖြင့် လက်ဝယ်အရောက်ရောင်းချပေးခဲ့ကြောင်း သိရသည်။
