ရန်ကုန်စတော့အိတ်ချိန်းတွင် တစ်ရက် (မေ ၁၂ ရက်) အတွင်း ကျပ် ၁၇၁ သန်းကျော်အထိ တန်ဖိုးရှိသည့် စတော့ရှယ်ယာ ၂၉,၀၀၀ ကျော် အရောင်းအဝယ်ဖြစ်ပေါ်ခဲ့ကြောင်း ရန်ကုန်စတော့အိတ်ချိန်းမှ ထုတ်ပြန်ထားသည့်အချက်အလက်များအရ သိရသည်။
မေလအတွင်း ရက်အလိုက် စတော့ရှယ်ယာအရောင်းအဝယ်ဖြစ်ပေါ်မှုအနေဖြင့် မေ ၄ ရက်တွင် ကျပ် ၈၅ သန်းကျော်တန်ဖိုးရှိသည့် စတော့ရှယ်ယာအစောင်ရေ ၁၇,၁၅၆၊ မေ ၅ ရက်တွင် ကျပ် ၄၁ သန်းကျော်တန်ဖိုးရှိသည့် စတော့ရှယ်ယာအစောင်ရေ ၁၂၀၇၈ ၊ မေ ၆ ရက်တွင် ကျပ် ၆၅ သန်းကျော် တန်ဖိုးရှိသည့် စတော့ရှယ်ယာအစောင်ရေ ၈,၆၄၇၊ မေ ၇ ရက်တွင် ကျပ် ၅၉ သန်းနီးပါးတန်ဖိုးရှိသည့် စတော့ရှယ်ယာအစောင်ရေ ၁၀,၇၇၂၊ မေ ၈ ရက်တွင် ကျပ် ၈၈ သန်းကျော်တန်ဖိုးရှိသည့် စတော့ရှယ်ယာအစောင်ရေ ၁၉,၀၅၅၊ မေ ၉ ရက်နှင့် ၁၀ ရက်သည် ဈေးကွက်ပိတ်ရက်များ ဖြစ်သည်။
မေ ၁၁ ရက်တွင် ကျပ် ၃၈ သန်းကျော်တန်ဖိုးရှိသည့် စတော့ရှယ်ယာအစောင်ရေ ၉၂၂၀ ၊ မေ ၁၂ ရက်တွင် ကျပ် ၁၇၁ သန်းကျော်တန်ဖိုးရှိသည့် စတော့ရှယ်ယာအစောင်ရေ ၂၉၃၂၇ အရောင်းအဝယ် ဖြစ်ပေါ်ခဲ့သည်။
YSX တွင် စာရင်းဝင်ကုမ္ပဏီ
ရန်ကုန်စတော့အိတ်ချိန်းတွင် စာရင်းဝင်ကုမ္ပဏီ ၈ ခုမှ အရောင်းအဝယ်ပြုလုပ်နေခြင်း ဖြစ်သည်။အဆိုပါကုမ္ပဏီများမှာ First Myanmar Investment Co., Ltd. (FMI)၊ Myanmar Thilawa SEZ Holding Public Ltd.(MTSH)၊ Myanmar Citizens Bank Ltd. (MCB)၊ First Private Bank Ltd.(FPB)၊ TMH Telecom Public Co., Ltd.(TMH) ၊ Ever Flow River Group Public Co., Ltd.(EFR)၊ Amata Holding Public Co., Ltd. (AMATA) နှင့် Myanmar Agro Exchange Public Co., Ltd. (MAEX)တို့ ဖြစ်သည်။
စာရင်းဝင်အကြိုဈေးကွက်တွင် Myanma Agricultural & General Development Public Ltd (MADPL) နှင့် G.B.S Agricultural Services Public Co.,Ltd (ASPGB) တို့က အရောင်းအဝယ်ပြုလုပ်နေခြင်းဖြစ်သည်။
ယနေ့ (မေ ၁၂ ရက်) တွင် စတော့ဈေးနှုန်းများအနေဖြင့် ရန်ကုန်စတော့အိတ်ချိန်း၏ တစ်နေ့တာရှယ်ယာအပိတ်ဈေးနှုန်းအနေဖြင့် FMI က ရှယ်ယာတစ်စောင်လျှင် ကျပ် ၁၃,၅၀၀ ဖြင့် ရှယ်ယာ ၂၀၈၇ စောင်၊ MTSH က ရှယ်ယာတစ်စောင်လျှင် ကျပ် ၆,၃၀၀ ဖြင့် ရှယ်ယာ ၁၆,၆၃၆ စောင်၊ MCB က ရှယ်ယာတစ်စောင်လျှင် ကျပ် ၉,၄၀၀ ဖြင့် ရှယ်ယာ ၁,၆၅၀ စောင်၊FPB က ရှယ်ယာတစ်စောင်လျှင် ကျပ် ၄,၄၀၀ ဖြင့် ရှယ်ယာ ၂,၀၅၄ စောင်၊ TMH က ရှယ်ယာတစ်စောင်လျှင် ကျပ် ၃,၂၅၀ ဖြင့် ရှယ်ယာ ၃ စောင်၊ EFR က ရှယ်ယာတစ်စောင်လျှင် ကျပ် ၁,၇၅၀ ဖြင့် ရှယ်ယာ ၆,၅၃၉ စောင်၊ AMATA က ရှယ်ယာတစ်စောင်လျှင် ကျပ် ၃,၉၅၀ ဖြင့် ရှယ်ယာ ၃၆ စောင်၊ MAEX က ရှယ်ယာတစ်စောင်လျှင် ကျပ် ၄,၁၀၀ ဖြင့် ရှယ်ယာ ၃၂၂ စောင် ဖြစ်သည်။
စာရင်းဝင်အကြိုဈေးကွက်တစ်နေ့တာအရောင်းအဝယ်မြောက်မှုအနေဖြင့် မေ ၁၂ ရက်က MAGDBL က ရှယ်ယာတစ်စောင်လျှင် ကျပ် ၃,၆၅၀ ဖြင့် ရှယ်ယာ ၃၇၆ စောင်၊ G.B.S Agricultural Services Public Co.,Ltd (ASPGB) က ရှယ်ယာတစ်စောင်လျှင် ကျပ် ၃၈,၀၀၀ ဖြင့် ရှယ်ယာ ၁၀၀ စောင် အရောင်းအဝယ်ဖြစ်ပေါ်ခဲ့သည်။