မြန်မာ-ဘယ်လာရုစ် စီးပွားရေးဖိုရမ်တွင် နိုင်ငံတော်သမ္မတ ဦးမင်းအောင်လှိုင် မိန့်ခွန်းပြောကြား၊

မြန်မာနိုင်ငံ၌ ရင်းနှီးမြှုပ်နှံရန် ဖိတ်ခေါ် မင့်စ်၊ ဩဂုတ် ၂၀ ဘယ်လာရုစ်နိုင်ငံ မင့်စ်မြို့ရှိ President Hotel ၌ ယနေ့ ဩဂုတ် ၂၀ ရက် နံနက်ပိုင်းက ကျင်းပသည့် မြန်မာ-ဘယ်လာရုစ် စီးပွားရေးဖိုရမ် သို့ မြန်မာနိုင်ငံတော်သမ္မတ ဦးမင်းအောင်လှိုင် တက်ရောက်မိန့်ခွန်းပြောကြားခဲ့ပြီး ဘယ်လာရုစ်နိုင်ငံမှ စီးပွားရေးလုပ်ငန်းရှင်များအား မြန်မာနိုင်ငံတွင် လာရောက်ရင်းနှီးမြှုပ်နှံကြရန် ဖိတ်ခေါ်ခဲ့သည်။ နိုင်ငံတော်သမ္မတက မြန်မာ-ဘယ်လာရုစ် နှစ်နိုင်ငံအကြား စီးပွားရေး၊ ကုန်သွယ်ရေးနှင့် ရင်းနှီးမြှုပ်နှံမှုဆိုင်ရာ ပူးပေါင်းဆောင်ရွက်မှုများ ပိုမိုတိုးမြှင့်နိုင်ရေးအတွက် ပုဂ္ဂလိကကဏ္ဍနှင့် စီးပွားရေးလုပ်ငန်းရှင်များ၏ အခန်းကဏ္ဍသည် အရေးပါကြောင်း ပြောကြားခဲ့ပြီး မြန်မာနိုင်ငံတွင် ရှိသည့် ရင်းနှီးမြှုပ်နှံမှုအခွင့်အလမ်းများကို လေ့လာ၍ လက်တွေ့ရင်းနှီးမြှုပ်နှံမှုများ ဆောင်ရွက်ကြရန် ဖိတ်ခေါ်ခဲ့ခြင်းဖြစ်သည်။ အဆိုပါ စီးပွားရေးဖိုရမ်သည် နှစ်နိုင်ငံအကြား စီးပွားရေးနှင့် ကုန်သွယ်ရေးဆက်ဆံမှုများ တိုးချဲ့ရန်နှင့် နှစ်နိုင်ငံ စီးပွားရေးလုပ်ငန်းရှင်များအကြား ချိတ်ဆက်ပူးပေါင်းဆောင်ရွက်မှုများ ပိုမိုအားကောင်းလာစေရန် ရည်ရွယ်ကျင်းပခြင်းဖြစ်သည်။