နေပြည်တော်၊ ဩဂုတ် ၃၁
စစ်ကိုင်းတိုင်းဒေသကြီး အထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာကွက်၍ မိုးကြီးနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ယနေ့တွင် မိုးကြီးမည့် သတိပေးချက် အမှတ်စဉ် (၆၂/၂၀၂၆) ဖြင့် ထုတ်ပြန်ထားသည်။
ယနေ့ နံနက် ၆:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်းနေခြင်း၊ အိန္ဒိယနိုင်ငံ အနောက်ဘင်္ဂလားပြည်နယ်နှင့် ဘင်္ဂလားပင်လယ်အော် အနောက်မြောက်ပိုင်းတို့တွင် ဖြစ်ပေါ်နေသော အားကောင်းသော လေဖိအားနည်းရပ်ဝန်း၏ အရှိန်ကြောင့် ဖြစ်ပေါ်လာသည့် မိုးတိမ်တောင်များ အားကောင်းနေခြင်းတို့ကြောင့် ဖြစ်သည်။
ယနေ့ နံနက်မှ စက်တင်ဘာ ၄ ရက်အတွင်း တိုင်းနှင့် ပြည်နယ်အသီးသီးတွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာနိုင်ပြီး အဆိုပါ ၆ ခုတွင် နေရာကွက်၍ မိုးကြီးနိုင်သည်။
သို့ဖြစ်ပါ၍ မိုးသည်းထန်စွာ ရွာသွန်းခြင်း၊ လေပြင်းတို-က်ခတ်ခြင်း၊ ရုတ်တရက် ရေကြီးခြင်း၊ မြေပြိုခြင်း စသည့် သဘာဝဘေးအန္တရာယ်များကို ကုန်းမြင့်ဒေသနှင့် မြစ်/ချောင်းများအနီး နေထိုင်သူများအနေဖြင့် ကြိုတင်သတိပြုကြရန် အသိပေးထားသည်။
ထို့ပြင် ပြည်တွင်းလေကြောင်း ပျံသန်းရေး၊ ကမ်းနီး/ကမ်းဝေး ငါးဖမ်းရေယာဉ်များနှင့် သင်္ဘောများအနေဖြင့်လည်း ကြိုတင်သတိပြုကြရန် နှိုးဆော်ထားကြောင်း သိရသည်။