မန္တလေးတိုင်း၊ အောင်မြေသာစံမြို့နယ်၌ တရားမဝင်လျှပ်စစ်ဓာတ်အားရယူသုံးစွဲခဲ့သည့် ရေခဲစက်လုပ်ငန်းရှင်ကို လျှပ်စစ်ဥပဒေနှင့်အမှုဖွင့်တရားစွဲဆိုထားကြောင်း သိရသည်။
မန္တလေးလျှပ်စစ်ဓာတ်အားပေးရေးကော်ပိုရေးရှင်းမှတာဝန်ရှိသူများက ဇွန် ၂၆ ရက်က အောင်မြေသာစံမြို့နယ်၊ (၁၂)လမ်း၊ (၈၈)လမ်း x (၈၉)လမ်းကြားရှိ ဦးမျိုးအောင် အမည်ပေါက်တပ်ဆင်ထားသော ရေခဲစက်လုပ်ငန်း၏ စင်တီမီတာတွင် Error ပေါ်နေပြီး မူလအ နေအထားပျက်ယွင်းနေသည်ကို စိစစ်တွေ့ရှိခဲ့ရကြောင်း သိရသည်။
ထို့ကြောင့် လျှပ်စစ်စမ်းသပ်ရေးနှင့် စစ်ဆေးရေးဌာန (ရန်ကုန်မြို့)သို့ မီးသုံးသူနှင့် ဌာနဝန်ထမ်းတို့ကသွား ရောက်စစ်ဆေးရာ လျှပ်စစ်ဓာတ်အားခိုးယူသုံးစွဲထားကြောင်းဖော်ထုတ်တွေ့ရှိခဲ့ရကြောင်း သိရသည်။
ထိုသို့ ခိုးယူသုံးစွဲမှုကြောင့် လျှပ်စစ်ဓာတ်အား (၃၆၂,၇၄၀)ယူနစ် နစ်နာဆုံးရှုံးခဲ့ရသဖြင့် နစ်နာဆုံးရှုံးမှုအတွက် ဓာတ်အားခလျော်ကြေး နစ်နာကြေးများကို မန္တလေးလျှပ်စစ်ဓာတ်အားပေးရေးကော်ပိုရေးရှင်းသို့ပေးဆောင်စေခဲ့ပြီး ဓာတ်အားကိုချက်ခြင်းဖြုတ်သိမ်း ၍ ဓာတ်အားဖြတ်တောက်ခဲ့ကြောင်း သိရသည်။
ထို့ပြင် လျှပ်စစ်ဓာတ်အားကို မသမာသည့်နည်းဖြင့်ရယူသုံးစွဲထားသော လုပ်ငန်းရှင်အား လျှပ်စစ်ဥပဒေနှင့်အညီ ထိရောက်စွာအရေးယူနိုင်ရေးအတွက် အမှုဖွင့်တရားစွဲဆိုထားကြောင်း သိရသည်။