နျူလက်နက်များသည် အပေးအယူလုပ်သည့် ပစ္စည်းများမဟုတ်-ပြုံယမ်း

မြောက်ကိုရီးယားသည် ၎င်း၏ နျူကလီးယားလက်နက်များကို စေ့စပ်ဆွေးနွေးခြင်းများ၌ အပေးအယူအဖြစ် အသုံးချရန် ထုတ်လုပ်ထားခြင်းမဟုတ်ဘဲ ပြည်သူများနှင့် ကမ္ဘာ့ငြိမ်းချမ်းရေးကို ခြိမ်းခြောက်နေသည့် ရန်သူများကို တိုက်ခိုက်ရာတွင် အသုံးပြုရန် ရည်ရွယ်ခဲ့ခြင်းသာဖြစ်သည်ဟု ဖေဖော်ဝါရီ ၈ ရက်တွင် ပြောဆိုလိုက်ကြောင်း နိုင်ငံပိုင်မီဒီယာက သတင်းထုတ်ပြန်ခဲ့သည်။

ဖေဖော်ဝါရီ ၇ ရက်က အိမ်ဖြူတော်တွင် ဂျပန်ဝန်ကြီးချုပ် ရှီဂီရူ အီရှီဘာကို သမ္မတ ဒေါ်နယ်ထရမ့်ပ်က လက်ခံတွေ့ဆုံခဲ့ပြီးနောက် ယခုထုတ်ပြန်ချက်ထွက်လာခြင်းဖြစ်သည်။ မြောက်ကိုရီးယားအနေဖြင့် ၎င်း၏ နျူကလီးယားလက်နက်အစီအစဉ်ကို အဆုံးသွားစေရန် လုပ်ဆောင်သွားမည်ဟူသော ကတိကဝတ်များကို ခေါင်းဆောင်နှစ်ဦးက ပြောဆိုခဲ့သည်။

KCNA ၏ သတင်းထုတ်ပြန်ချက်တွင် အမေရိကနှင့် ဂျပန်ခေါင်းဆောင်များ တွေ့ဆုံမှုကိုမူ ရည်ညွှန်းဖော်ပြခြင်းမရှိဘဲ မြောက်ကိုရီးယား၏ နျူကလီးယားလက်နက် အလုံးစုံ ဖျက်သိမ်းရေး ထပ်လောင်းတောင်းဆိုသည့် နေတိုးနှင့် အီးယူ အရာရှိများ၏ မှတ်ချက်များအပေါ် ရည်ညွှန်းသွားခဲ့သည်။

“ကျွန်တော်တို့ ဒါကို ထပ်ပြီး ရှင်းရှင်းလင်းလင်း ပြောပါမယ်၊ ကျွနု်ပ်တို့ရဲ့ နျူးကလီးယားလက်နက်တွေက တစ်ယောက်ယောက်ရဲ့ အသိအမှတ်ပြုမူကိုရှာနေတဲ့ ကြေငြာမဟုတ်သလို အပေးအယူလုပ်ရမယ့် ပစ္စည်းတွေလည်း မဟုတ်ပါဘူး” ဟု KCNA ၏သတင်း ထုတ်ပြန်ချက်တွင် ဖော်ပြခဲ့သည်။

ထို့အပြင် မိမိတို့၏ နျူကလီးယားတပ်ဖွဲ့များသည် မိမိတို့နိုင်ငံ၏ အချုပ်အခြာအာဏာနှင့် မိမိတို့ ပြည်သူများ၏ ဘေးကင်းမှုကို ထိပါးပြီး ကမ္ဘာ့လုံခြုံရေးကို ခြိမ်းခြောက်သော ရန်သူ့တပ်များ၏ မည်သည့်လုပ်ရပ်မျိုးကိုမဆို လျှင်မြန်စွာ ချေမှုန်းမည့် မယိမ်းယိုင်သော တိုက်ပွဲဝင်သည့်အရာများဖြစ်သည်ဟု ဆိုခဲ့သည်။

Ref: သည်စထရိတ်တိုင်းမ်စ်