နေပြည်တော်တွင် ဓါတ်အားပြတ်တောက်မှု လျော့နည်းစေရန်နှင့် ဓါတ်အားလိုင်းများတစ်လျှောက် မလွတ်ကင်းသည့် သစ်ပင်သစ်ကိုင်းများ ခုတ်ထွင်ရှင်းလင်းခြင်းလုပ်ငန်းများ ဆောင်ရွက်နိုင်အတွက် ဇွန် ၁၃ ရက်နေ့တွင် ၃၃ ကေဗွီ Project M/O ဓါတ်အားလိုင်းကို နံနက် ၈ နာရီမှ မွန်းလွဲ ၃ နာရီအထိ ပိတ်ထားမည်ဖြစ်ကြောင်း အသိပေးထားသည်။
ထို့ပြင် ဇွန် ၁၄ ရက်နေ့ တွင် MRTV-1 ဓာတ်အားလိုင်းကိုလည်း နံနက် ၈ နာရီမှ မွန်းလွဲ ၃ နာရီအထိ ပိတ်ထားမည်ဖြစ်ခြင်းကြောင့် အဆိုပါ ဓါတ်အားလိုင်းများ ယာယီပြ-တ်တေ-ာက်နေမည်ဖြစ်ကြောင်း အသိပေးထားသည်။
နေပြည်တော် အေလာမြို့ ရန်ကုန်-မန္တလေး မီးရထားသံလမ်းဘေး ခုံကျော်တံတားတည်ဆောက်ခြင်းနှင့် မလွတ်ကင်းသည့် ပျဉ်းမနား-အေလာ ဓာတ်အားလိုင်းကိုလည်း ဇွန်၁၃ ရက်နေ့ ပြောင်းရွှေ့သွယ်တန်းဆောင်ရွက်မည်ဖြစ်ပြီး နံနက် ၈ နာရီကနေ ညနေ ၅ နာရီထိ ဓာတ်အားပိတ်မည်ဖြစ်ပြီး အေလာမြို့နှင့် သာဝတ္တိမြို့တွင် ယာယီ ဓာတ်အားပြတ်တောက်မည်ဖြစ်ကြောင်း အသိပေးထားသည်။
အလားထူ တောင်ကြီး-ဟိုပုံး ဓာတ်အားလိုင်း၊ ဟိုပုံးနှင့် မိုင်းပွန် ဖီဒါ ဓာတ်အားလိုင်းများကိုလည်း သစ်ပင်သစ်ကိုင်း ရှင်းလင်းခြင်းများ ဆောင်ရွက်မည်ဖြစ်ခြင်းကြောင့် ဇွန် ၁၃ ရက် နှင့် ၁၄ ရက်တို့တွင် နံနက် ၉ နာရီမှ ညနေ ၄ နာရီ ထိ ဓာတ်အားပိတ်မည်ဖြစ်ကြောင်း သိရသည်။
ထို့ကြောင့် ပအိုဝိုင်းကိုယ်ပိုင်အုပ်ချုင်ခွင့်ရဒေသ ဟိုပုံးမြို့၊ ကျောက်တန်းမြို့၊ မိုင်ပွန်းမြို့များရှိ ရပ်ကွက် ၁၁ ကွက်နှင့် ကျေးရွာ ၁၀၆ ရွာသည် ယာယီဓာတ်အားပြ-တ်တေ-ာက်မည်ဖြစ်ကြောင်း အသိပေးထားသည်။