ဒေါ်လာ ၂၅၀,၀၀၀ ကျော် လိမ်လည်ထုတ်ယူမှုနှင့် ဆက်နွှယ်သူ ၆ ဦး ဖမ်းဆီးခံရ

ဇွန် ၁၆

ဘဏ်စာရင်းများကို အသုံးပြု၍ ဒေါ်လာ ၂၅၃,၉၉၉.၈၉ ကို လိမ်လည်ထုတ်ယူခဲ့သည့် အွန်လိုင်းငွေကြေးလိမ်လည်မှုအမှုနှင့် ဆက်နွှယ်သူ ခြောက်ဦးကို နည်းပညာမှုခင်းနှိမ်နင်းရေးအာဏာပိုင်များက ဖမ်းဆီးခဲ့ကြောင်း သိရသည်။

စုံစမ်းစစ်ဆေးမှုများအရ ဟက်ကာများသည် WhatsApp အကောင့်များကို အသုံးချကာ ဘဏ်အကောင့်အတုများဖြင့် ငွေကြေးလိမ်လည်မှုများ ကျူးလွန်ခဲ့ပြီး ယင်းလုပ်ရပ်တွင် အသုံးပြုရန် ဘဏ်စာရင်းများ ဝယ်ယူရောင်းချမှုများလည်း ပြုလုပ်ခဲ့ကြောင်း သိရသည်။

နည်းပညာမှုခင်းတိုက်ဖျက်ရေးဌာန၏ စစ်ဆေးတွေ့ရှိချက်များအရ ဖမ်းဆီးခံရသူများသည် ရာဇဝတ်ဂိုဏ်းတစ်ခုထံ ဘဏ်စာရင်း ၂၀ ကျော် ရောင်းချပေးရာတွင် ပါဝင်ပတ်သက်ခဲ့ကြောင်း သိရသည်။

ဖမ်းဆီးခံရသူများတွင် ဗီယက်နမ်နိုင်ငံသား တစ်ဦးနှင့် ကမ္ဘောဒီးယားနိုင်ငံသား ငါးဦး ပါဝင်ပြီး ၎င်းတို့အား နည်းပညာဆိုင်ရာ လိမ်လည်မှုတိုက်ဖျက်ရေးဥပဒေ ပုဒ်မ ၅ အရ အမှုဖွင့်အရေးယူထားကြောင်း သိရသည်။

နည်းပညာမှုခင်းတိုက်ဖျက်ရေးဦးစီးဌာနက ပြည်သူများအနေဖြင့် ဘဏ်စာရင်းအချက်အလက်များ၊ ဖုန်းနံပါတ်များနှင့် ကိုယ်ရေးကိုယ်တာ သက်သေခံအချက်အလက်များကို အခြားသူများထံ မပေးအပ်ကြရန်နှင့် အွန်လိုင်းလိမ်လည်မှုများကို သတိပြုကြရန် တိုက်တွန်းထားသည်။

Ref: Khmer Times