ချင်းပြည်နယ်၊ တီးတိန်မြို့၌ မိုးသည်းထန်စွာရွာသွန်းမှုကြောင့် ယနေ့ ဇူလိုင် ၂၄ ရက်နံနက် ၈ နာရီခွဲခန့်တွင် မြေထိန်းနံရံပြိုကျမှုဖြစ်ပွားခဲ့ကြောင်း သိရသည်။
မိုးသည်းထန်စွာရွာသွန်းမှုကြောင့် တီးတိန်မြို့၊ စကောလမ်းရပ်ကွက်၊ လွန်းနဲလ်လမ်းတွင် မြေထိန်းနံရံပြိုကျခဲ့သဖြင့် တီးတိန်မြို့နယ်မီးသတ်စခန်းမှတပ်ဖွဲ့ဝင်များက ပြိုကျနေသည့်မြေသားများကိုဖယ်ရှားရှင်းလင်းပေးခဲ့ကြကြောင်း သိရသည်။
ထို့ပြင် ဆက်လက်ပြိုကျနိုင်ရန်အလားအလာရှိသော နေရာများ၊ အန္တရာယ်ရှိသော ကျောက်တုံးများကိုလည်း ဖယ်ရှားရှင်းလင်းမှုများဆက်လက်ပြုလုပ်ပေးခဲ့ကြကြောင်း သိရသည်။
