တရုတ်ဝန်ကြီးချုပ်နှင့်မလေးရှားဝန်ကြီးချုပ်တို့ ရှန်ဟိုင်း၌တွေ့ဆုံ

ရှန်ဟိုင်း၊နိုဝင်ဘာ ၅

တရုတ်ပြည်သူ့သမ္မတနိုင်ငံဝန်ကြီးချုပ် မစ္စတာလီချင်သည် ၇ ကြိမ်မြောက် တရုတ်၏ နိုင်ငံတကာသွင်းကုန်ကုန်စည်ပြပွဲကို တက်ရောက်ရန် ရှန်ဟိုင်းသို့ရောက်ရှိနေသည့် မလေးရှားနိုင်ငံဝန်ကြီးချုပ် အန်နဝါအီဘရာဟင်နှင့်တွေ့ဆုံခဲ့ကြောင်းသိရသည်။

မစ္စတာလီက တရုတ်-မလေးဆက်ဆံရေးသည် အဆင့်သစ်သို့တက်လာခဲ့ပြီး ဘုံအနာဂတ်ရှိသော တရုတ်-မ‌လေးရှား အသိုက်အဝန်း တည်ဆောက်ရေးရည်မှန်းချက်ကိုလည်း ဖြည်းဖြည်း မှန်မှန် ဦးတည် ရွေ့ရှားနေကြောင်း ထုတ်ဖော်ပြောကြားခဲ့သည်။

ယင်းနောက် နှစ်နိုင်ငံအကြား အပြန်အလှန်လေးစားမှုနှင့်ယုံကြည်မှုများဖြင့် နှစ်ဘက်ခေါင်းဆောင်များချမှတ်ထားသည့် သဘောတူညီချက်များကို အကောင်အထည်ဖော်ရန် မလေးရှား နှင့်လက်တွဲဆောင်ရွက်ဖို့အသင့်ရှိကြောင်းဆိုကာ နှစ်နိုင်ငံဖွံ့ဖြိုးတိုးတက်ရေးအတွက် ဆောင်ရွက်ရန်အသင့်ရှိသည်ဟုလည်းဆိုခဲ့သည်။

ထို့အပြင် နှစ်နိုင်ငံအကျိုးစီးပွားနှင့် အဓိက ကျသော စိုးရိမ်မကင်း ဖြစ်ဖွယ် ကိစ္စရပ်များကို ဖြေရှင်းရန်အတွက် အချင်းချင်း ခိုင်မာစွာပံ့ပိုးကူညီသွားမည်ဖြစ်ပြီး ဖွံ့ဖြိုးတိုးတက်ရေးမဟာဗျူဟာများ၊ အုပ်ချုပ်မှုဆိုင်ရာအတွေ့အကြုံများဖလှယ်ရေးအပါအဝင် အမျိုးမျိုးသောနယ်ပယ်များတွင် ပူးပေါင်းဆောင်ရွက်မှုများမြှင့်တင်သွားမည်ဖြစ်ကြောင်းလည်းပြောကြားခဲ့သည်။

မစ္စတာအန်နဝါကလည်း တရုတ်သည် မလေး၏ မိတ်ဆွေကောင်းနှင့်မိတ်ဖက်ကောင်းနိုင်ငံဖြစ်ပြီး တရုတ်နှင့် ရပ်ဝန်းနှင်လမ်းမ ပူးပေါင်းဆောင်ရွက်မှုကို မြှင့်တင်ကာ ကုန်သွယ်မှု၊ရင်းနှီးမြှုပ်နှံမှု၊ ဒစ်ဂျစ်တယ်စီးပွားရေးနှင့်ပညာရေးအစရှိသည့် နယ်ပယ်များတွင်ပါ ပူးပေါင်းဆောင်ရွက်မှုကို မြှင့်တင်ရန်ဆန္ဒရှိကြောင်းထုတ်ဖော်ပြောကြားခဲ့သည်။

Source : ရှင်းဟွာ