ဂုတ်တွင်းတံတားနှင့် ဂုတ်ထိပ်မီးရထားလမ်းနေရာတစ်ဝိုက်အား တပ်မ​တော်က ပြန်လည်သိမ်းပိုက်

TNLA နှင့် PDF အကြမ်းဖက်အဖွဲ့များ ခေတ္တထိန်း ချုပ်ထားသော နောင်ချိုမြို့နှင့် ကျောက်မဲမြိုကြား ဂုတ်တွင်းတံတားနှင့် ဂုတ်ထိပ်မီးရထားလမ်းနေရာတစ်ဝိုက်အား တပ်မတော်မှ ယနေ့ သြဂုတ် ၂၉ ရက်က ပြန်လည်ထိန်းချုပ်သိမ်းပိုက်ခဲ့သည်။

တပ်မတော်မှ စစ်နည်းဗျူဟာမြောက် မြေပြင်၊ ဝေဟင်ပေါင်းစပ်၍  တိုက်ခိုက်ချေမှုန်းခဲ့ရာ အကြမ်းဖက်အဖွဲ့များ ခေတ္တစိုးမိုးထားသည့် ခဲတုံကြိုင်ကျေးရွာ ကိုဩဂုတ် ၁၉ ရက်တွင် ၄င်း ၂၁ ရက်တွင် ကောင်းပိုကျေးရွာ၊ ၂၂ ရက်တွင် ထန်းတပင်ကျေးရွာ၊ ၂၃ ရက်တွင် ပန်တိကျေး ရွာ၊ ၂၄ ရက်တွင် နောင်ပိန်ကျေးရွာ၊ ပင်ပေါကျေး ရွာနှင့် ဇီးပင်စခန်းကျေးရွာ၊ ၂၅ ရက်တွင် ကျောင်းကုန်းကျေးရွာ၊ ၂၆ ရက်တွင် စန္ဒမုနိကျောင်းတို-က်တို့အား ပြန်လည်သိမ်းပိုက်နိုင်ခဲ့သည်။

ထို့အတူ သြဂုတ် ၂၇ ရက်တွင် နောင်ပစ်လမ်းခွဲနှင့် ဂုတ်တွင်းတံတား၊ ၂၈ ရက်တွင် ရှုခင်းသာ၊ ယနေ့ သြဂုတ် ၂၉ ရက်တွင် ဂုတ်ထိပ်တံတားနှင့် ယင်းဒေသတစ်ဝိုက်တို့အား အဆင့်ဆင့်ပြန်လည်သိမ်း ပိုက်ထိန်းချုပ်နိုင်ခဲ့သည်။

အဆိုပါ စစ်ဆင်ရေးကာလ ၁၂ ရက်အတွင်း တိုက်ပွဲကြီး/ငယ် (၄၇)ကြိမ်ဖြစ်ပွားခဲ့ကာ အလောင်း (၂၉)လောင်းနှင့် လက်နက်မျိုးစုံ(၂၃)လက်တို့ကို သိမ်းဆည်းရမိခဲ့ပြီး လက်ရှိအချိန်၌ လမ်းကြောင်းတလျှောက်ရှိအတားအဆီးနေရာများနှင့် လမ်းတံတားများအား လူအင်အားနှင့် စက်ယန္တရားများအသုံးပြု၍ ဖယ်ရှားရှင်းလင်းလျက်ရှိသည်။

ထို့ပြင် ဂုတ်တွင်းတံတားအား ပြန်လည်အသုံးပြုနိုင်ရေးနှင့် ပို့ဆောင်ဆက်သွယ်ရေးအဆင်ပြေချောမွေ့စေရေးအတွက် တပ်မတော်မှ စစ်မြေပြင်အင်ဂျင်နီ ယာတပ်ဖွဲ့များက ယာယီသံဘောင်ဘေလီတံတားထိုးခြင်းလုပ်ငန်းများကိုဆောင်ရွက်လျက်ရှိပြီး နယ်မြေရှင်းလင်းရေးလုပ်ငန်းများကိုလည်း ဆက်လက်ဆောင်ရွက်လျက်ရှိသည်။