ရန်ကုန်မြို့တွင်း ပြေးဆွဲနေသည့် ခရီးသည်တင်ယာဉ် YBS 133 ယာဉ်လိုင်းမှ ဒဂုံမြို့သစ်(ဆိပ်ကမ်း)မြို့နယ် (အမျိုးသားကင်ဆာကုဆေးရုံ) (ဂိတ်ရင်း)မှ လသာ(ဂိတ်ဖျား) သို့ လမ်းကြောင်းတိုးချဲ့ပြေးဆွဲပေးလျက်ရှိအဆိုပါ ယာဉ်လိုင်း ၏ အသိပေးထုတ်ပြန်ချက်အရ သိရသည်။
YBS 133 ယာဉ်လိုင်းမှာ ယခင်က ယုဇနဥယျာဉ်မြို့တော် (ဂိတ်ရင်း)မှ ဗိုလ်ချုပ်ဈေး(ဂိတ်ဖျား) ထိပြေးဆွဲပေးနေရာမှ လက်ရှိတွင် ယခုကဲ့သို့ လမ်းကြောင်းတိုးချဲ့ပြေးဆွဲပေးနေခြင်းဖြစ်သည်။
“လမ်းကြောင်းတိုးချဲ့ ပြေးဆွဲနေတာ မသိလိုက်လို့ Junction city သွားမှာကို မကွေ့ဘဲ လသာရောက်သွားလို့ ကမန်းကတမ်း ဆင်းပြီးလမ်းလျှောက်လိုက်ရတယ်။ အခုလမ်းကြောင်း အသစ်က လသာ(ဂိတ်ဖျား)ကို ဝင်ပြီးမှ Junction ရောက်မှာ”ဟု ရန်ကုန်မြို့တွင်း YBS စီးနင်းသူ တစ်ဦးက ပြောသည်။
YBS – 133 ခရီးစဉ်လမ်းကြောင်း ဒဂုံဆိပ်ကမ်း (အမျိုးသားကင်ဆာရောဂါကုဆေးရုံ) – ကနောင်ကွေ့ – ယုဇနမုခ်ဦး – ကျွန်းရွှေဝါလမ်း – ကွန်တိန်နာအဝိုင်း – ပုဏ္ဏမီလမ်း – ပဲခူးမြစ်လမ်း – သိမ်ကျောင်းလမ်းဆုံ – သစ်ဆိပ် – ကွေ့မ – တိုင်းရင်းသားကျေးရွာ – သာကေတအဝိုင်း – ကျောက်တိုင် – (၁)ဈေးကွေ့ – ဒေါပုံသင်္ဘောကျင်း – မဟာဗန္ဓုလတံတား – လမ်း(၅၀) – အနော်ရထာလမ်း – လသာ – အရေးပေါ်ဌာန – ရန်ကုန်ပြည်သူ့ဆေးရုံကြီး – ဗိုလ်ချုပ်ဈေး – ဆူးလေ – မဟာဗန္ဓုလလမ်းအထိဖြစ်ကြောင်း သိရသည်။