မြန်မာ့လူငယ်ဘောလုံးပြိုင်ပွဲများ၌ အ ငြင်းပွားစရာ ဖြစ်ခဲ့ရသည့် အသက်ကျော်ကစားသမား ပြဿနာနှင့် လူစားလဲက စားသည့် ကိစ္စများကို မပြုလုပ်နိုင်ရန် အတွက် မြန်မာနိုင်ငံဘောလုံးအဖွဲ့ချုပ် (MFF)က နည်းပညာမြင့်စနစ်တစ်ခုကို ပထမဆုံးအကြိမ် စတင်အသုံးပြုလိုက်ပြီ ဖြစ်သည်။
ယင်းမှာ ဇွန်လ (၄) ရက်နှင့် (၅) ရက်နေ့၌ သုဝဏ္ဏဘောလုံးကွင်းအတွင်း ပြုလုပ်ခဲ့သည့် MFF Royal-D U15 League (Yan gon Zone)ပြိုင်ပွဲအတွက် အသက်စစ် ဆေးမှုတွင် ကစားသမားများကို Biom etric registration system (လူမှန်၊ မမှန် လက်ဗွေနှိပ်မှတ်ပုံတင်သည့်စနစ်)ဖြင့် စနစ်တကျ စတင်စစ်ဆေးခဲ့ခြင်းဖြစ် သည်။
အခုနှစ်ပြိုင်ပွဲတွင် ယခင်နှစ်၌ပြုလုပ်ခဲ့သည့် စာရွက်စာတမ်းစစ်ဆေးမှုသာမကအဆင့်မြင့် Electronic ID စနစ်ကိုပါ တွဲဖက်အသုံးပြုခဲ့ကြောင်း မြန်မာနိုင်ငံ ဘောလုံးအဖွဲ့ချုပ်ထံမှ သိရသည်။
ယခုနှစ်တွင် Eye Scan (မျက်လုံး) ဖတ်ခြင်း၊ လက်ဗွေနှိပ်ပြီး Smart ကတ် စစ် ဆေးခြင်း၊ မှတ်ပုံတင်၊ သန်းခေါင်စာရင်း၊ မွေးစာရင်းမူရင်းများနှင့် သေချာတိုက် ဆိုင်စစ်ဆေးခြင်းအပြင် Biometric စနစ်ကိုပါ တွဲဖက်လုပ်ဆောင်ခဲ့ကြောင်း သိရသည်။
ထိုသို့စစ်ဆေးခြင်းကြောင့် လူစားလဲက စားနိုင်သည့်အခြေအနေလုံးဝမဖြစ်နိုင်တော့သည့်အပြင် နောက်ပိုင်းတွင် အ သက်အရွယ်အလိုက် လူငယ်ပြိုင်ပွဲများ ဆက်လက်ကစားသည့်အခါတွင်လည်း အသက်အရွယ် မှန်၊ မမှန်ကို အချိန်မရွေး အလွယ်တကူ ပြန်လည်တိုက်ဆိုင် စစ် ဆေးနိုင်မည်ဖြစ်ကြောင်း သိရသည်။
ယခုနှစ်ပြိုင်ပွဲ၌ဝင်ရောက်ယှဉ်ပြိုင်မည့် ကလပ်အသင်း (၂၀)၏ကစားသမားအ ချက်အလက်များကို ကွန်ပျူတာ Data base ထဲတွင် ကြိုတင်ထည့်သွင်းထားပြီး ဖြစ်ကြောင်းနှင့် အသက်စစ်ဆေးစဉ်တွင် လက်ဗွေ (Fingerprint)ကိုပါ မှတ်ပုံတင်ယူထားခြင်းကြောင့် လူစားလဲကစားခြင်းမျိုး လုံးဝ(လုံးဝ) ပြုလုပ်၍ရတော့မည် မဟုတ်ဟု MFF ၏ အသိပေးချက်တွင် ဖော်ပြထားသည်။
