မွန်ပြည်နယ်အတွင်းရှိ မြို့နယ် ၈ ခုတွင် ဘေးအန္တရာယ်ကင်းရှင်းရေးနှင့် အသိပညာပေးလုပ်ငန်းများ အရှိန်အဟုန်မြှင့် ဆောင်ရွက်

မွန်ပြည်နယ်အတွင်းရှိ ဒေသခံမိဘပြည်သူများအနေဖြင့် မိမိတို့ပတ်ဝန်းကျင်တွင် ဖြစ်ပေါ်လာနိုင်သည့် အန္တရာယ်ဖြစ်နိုင်ခြေများကို ကြိုတင်သိရှိသတိပြုနိုင်ရန်နှင့် ဘေးကင်းစွာ နေထိုင်သွားလာနိုင်ရန်အတွက် Mon State Red Cross မှ အသိပညာပေးလုပ်ငန်းများကို ကျယ်ကျယ်ပြန့်ပြန့် ဆောင်ရွက်ခဲ့ကြောင်း သိရသည်။

ယခုကဲ့သို့ အသိပညာပေးမှုများကို မွန်ပြည်နယ်အတွင်းရှိ အောက်ပါမြို့နယ် ၈ ခုတွင် ကွင်းဆင်းဆောင်ရွက်ခဲ့ကြခြင်း ဖြစ်သည်။ ကျိုက်ထိုမြို့နယ်၊ ဘီးလင်းမြို့နယ်၊ သထုံမြို့နယ်၊ ပေါင်မြို့နယ်
၊ ကျိုက်မရောမြို့နယ်၊ မုဒုံမြို့နယ်၊ သံဖြူဇရပ်မြို့နယ်၊ ရေးမြို့နယ်တို့တွင် လုပ်ဆောင်ခဲ့ကြခြင်းဖြစ်သည်။

ဆောင်ရွက်ခဲ့သည့် အသိပညာပေးလုပ်ငန်းများ

အဆိုပါမြို့နယ်များအတွင်းရှိ လူစည်ကားရာနေရာများနှင့် ကျေးရွာများတွင် ကြက်ခြေနီတပ်ဖွဲ့ဝင်များက အောက်ပါအတိုင်း ထိထိရောက်ရောက် ဆောင်ရွက်ခဲ့ကြသည်။

ဟောပြောပွဲများကျင်းပခြင်း

ဘေးအန္တရာယ်ဖြစ်နိုင်ခြေများနှင့် ပတ်သက်၍ အသိပညာပေး ဟောပြောခြင်းများ ပြုလုပ်ခဲ့သည်။

လက်ကမ်းစာစောင်နှင့် ပိုစတာများ

ဒေသခံများ အလွယ်တကူ ဖတ်ရှုလေ့လာနိုင်ရန် လက်ကမ်းစာစောင်များ ဖြန့်ဝေခြင်းနှင့် အသိပေးပိုစတာများကို ကပ်ခဲ့ကြသည်။

မြေစိုက်ပိုစတာများ စိုက်ထူခြင်း

လူစည်ကားရာ လမ်းဆုံလမ်းခွများနှင့် အချက်အချာကျသော နေရာများတွင် အသိပေးကြေညာချက် မြေစိုက်ပိုစတာများကို စိုက်ထူကာ အန္တရာယ်ရှိနိုင်သည့် အခြေအနေများကို ကြိုတင်သတိပေးခဲ့ကြသည်။