Great Hall အတွင်း မြန်မာနိုင်ငံတော်သမ္မတအား ကြိုဆိုရန် ပြင်ဆင်နေသည့် မြင်ကွင်းများ

မြန်မာ-တရုတ် နှစ်နိုင်ငံအကြား ဆွေးနွေးသဘောတူခဲ့သည့် ပူးပေါင်းဆောင်ရွက်ရေး သဘောတူညီချက်များနှင့် စာချွန်လွှာများ လက်မှတ်ရေးထိုးပွဲကို ဇွန် ၁၆ ရက်က ပေကျင်းမြို့၌ ကျင်းပခဲ့ရာ နိုင်ငံတော်သမ္မတ ဦးမင်းအောင်လှိုင်နှင့် တရုတ်နိုင်ငံသမ္မတ မစ္စတာ ရှီကျင့်ဖျင်တို့ တက်ရောက်ခဲ့ကြသည်။ ထို့နောက် မြန်မာ-တရုတ် နှစ်နိုင်ငံကြား သဘောတူစာ ချုပ်နှင့်နားလည်မှုစာချွန်လွှာ(၁၈)ခုကို သက်ဆိုင်ရာကဏ္ဍအလိုက် နှစ်နိုင်ငံတာဝန်ရှိသူများက နိုင်ငံတော်သမ္မတ ဦးမင်းအောင်လှိုင်နှင့် တရုတ်နိုင်ငံသမ္မတ မစ္စတာရှီကျင့်ဖျင်တို့ ရှေ့မှောက်တွင် လက်မှတ်ရေးထိုး လဲလှယ်ခဲ့ကြသည်။ အဆိုပါ လက်မှတ်ရေးထိုးပွဲသည် နှစ်နိုင်ငံအကြား ချစ်ကြည်ရင်းနှီးမှုနှင့် ကဏ္ဍစုံပူးပေါင်းဆောင်ရွက်မှုများ ပိုမိုတိုးမြှင့်ဆောင်ရွက်နိုင်ရေးအတွက် အရေးပါသော ခြေလှမ်းတစ်ရပ်ဖြစ်ကြောင်း သိရသည်။

မန္တလေးတိုင်း၊ မန္တလေးမြို့ပေါ်ရှိ လိုင်စင်ရစက်သုံးဆီအရောင်းဆိုင်(၄)ဆိုင်ကို ဇွန် ၁၅ ရက်တွင် ရေနံထွက်ပ စ္စည်းကြီးကြပ်စစ်ဆေးရေးဦးစီးဌာန၊ မန္တလေးတိုင်း ကြီးကြပ်စစ်ဆေးရေးအရာရှိရုံးက မန္တလေးတိုင်း ရေနံနှင့်ရေနံထွက်ပစ္စည်းဆိုင်ရာလုပ်ငန်းများထိန်းသိမ်းကြီး ကြပ်ရေးဆပ်ကော်မတီ၏ကြီးကြပ်မှုဖြင့် ရှောင်တခင်စစ်ဆေးခဲ့ကြကြောင်း သိရသည်။ စက်သုံးဆီအရောင်းဆိုင်များမှ ဖြန့်ဖြူးရောင်းချနေသော စက်သုံးဆီများ၏ အရည်အသွေးပြည့်မီမှန်ကန်မှုရှိ/မရှိ၊ အခြင်အတွယ်ပြည့်မီမှန်ကန်မှုရှိ/မရှိနှင့် သတ် မှတ်ရည်ညွှန်းဈေးနှုန်းအတိုင်း ရောင်းချမှုရှိ/မရှိတို့အား ဌာနပိုင် Mobile Fuel Lab ယာဉ်ဖြင့်စစ်ဆေးခဲ့ကြကြောင်း သိရသည်။ စက်သုံးဆီအရောင်းဆိုင်များတွင် အရည်အသွေးပြည့် မီမှုမရှိခြင်း၊ အခြင်အတွယ်ပြည့်မီမှုမရှိခြင်း၊ သတ် မှတ်ရည်ညွှန်းဈေးနှုန်းအတိုင်းရောင်းချမှုမရှိခြင်းတို့ကို စစ်ဆေးတွေ့ရှိရပါက ရေနံနှင့် ရေနံထွက်ပစ္စည်းဆိုင်ရာဥပဒေနှင့်အညီ အရေးယူဆောင်ရွက်လျက်ရှိကြောင်း သိရသည်။

တရုတ်ပြည်သူ့သမ္မတနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသော နိုင်ငံတော်သမ္မတ ဦးမင်းအောင်လှိုင်သည် ဇွန် ၁၆ ရက် နံနက်ပိုင်းက ပေကျင်းမြို့ရှိ Great Hall of the People (ပြည်သူ့ခန်းမဆောင်ကြီး) တွင် တရုတ်နိုင်ငံသမ္မတ မစ္စတာ ရှီကျင့်ဖျင်နှင့် နိုင်ငံတော်အဆင့် တွေ့ဆုံဆွေးနွေးခဲ့သည်။ တွေ့ဆုံပွဲမတိုင်မီ နိုင်ငံတော်သမ္မတ ဦးမင်းအောင်လှိုင်သည် တရုတ်နိုင်ငံ ဂုဏ်ပြုတပ်ဖွဲ့၏ အလေးပြုခြင်းကို ခံယူခဲ့ပြီး နိုင်ငံတော်အလံအား အလေးပြုကာ ဂုဏ်ပြုတပ်ဖွဲ့ကို စစ်ဆေးခဲ့သည်။ တွေ့ဆုံပွဲ ကျင်းပရာ Great Hall of the People...