အိန္ဒိယနိုင်ငံ၊ နယူးဒေလီမြို့တွင် စက်တင်ဘာ (၁၂) ရက်မှ (၁၃) ရက်နေ့အထိ ကျင်းပမည့် “18th BRICS SUMMIT (BRICS INDIA 2026)” ထိပ်သီးအစည်းအဝေးကြီးအတွက် နယူးဒေလီ အင်ဒီရာဂန္ဓီ အပြည်ပြည်ဆိုင်ရာ လေဆိပ် (Terminal 3) ၌ အဆင့်မြင့် လုံခြုံရေးဆိုင်ရာ အစီအမံများကို တင်းကြပ်စွာ ချမှတ်ထားသည်။
လေဆိပ်အတွင်း ဧည့်သည်တော် ကမ္ဘာ့ခေါင်းဆောင်များ ဆက်တိုက်ရောက်ရှိလာမှုကိုလည်း နိုင်ငံတကာ မီဒီယာများက သတင်းယူရန် စောင့်ဆိုင်းနေကြသည်။
ကမ္ဘာ့ခေါင်းဆောင်များ၏ ရောက်ရှိမှုနှင့် သီးသန့်တွေ့ဆုံပွဲ အစီအစဉ်များအနေဖြင့် ရုရှားနိုင်ငံသမ္မတ မစ္စတာ ဗလာဒီမာပူတင်က စက်တင်ဘာ (၁၁) ရက် သောကြာနေ့ နံနက်ပိုင်းတွင် နယူးဒေလီသို့ ရောက်ရှိခဲ့ပြီး ယနေ့ မွန်းလွဲပိုင်းတွင် အိန္ဒိယ ဝန်ကြီးချုပ် နာရင်ဒရာ မိုဒီနှင့် နှစ်နိုင်ငံ သီးသန့် တွေ့ဆုံဆွေးနွေးပွဲ (Bilateral Meeting) ပြုလုပ်ရန် စီစဉ်ထားသည်။
တရုတ်ပြည်သူ့သမ္မတနိုင်ငံ သမ္မတ မစ္စတာ ရှီကျင့်ဖိန်အနေဖြင့် ထိပ်သီးအစည်းအဝေး မစတင်မီ စက်တင်ဘာ (၁၂) ရက် စနေနေ့ မွန်းလွဲပိုင်းတွင် နယူးဒေလီသို့ ရောက်ရှိမည် ဖြစ်ကြောင်း သိရသည်။
အိန္ဒိယ ဝန်ကြီးချုပ် မိုဒီနှင့် သမ္မတ ရှီကျင့်ဖိန်တို့၏ နှစ်နိုင်ငံ သီးသန့် တွေ့ဆုံဆွေးနွေးပွဲကိုမူ စနေနေ့ ညနေပိုင်းတွင် ကျင်းပသွားမည် ဖြစ်ကြောင်း သိရသည်။