ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ်အဖြစ် နိုင်ငံတော်သမ္မတ ဦးမင်းအောင်လှိုင်သည် ယနေ့ စက်တင်ဘာ ၁၁ ရက် နံနက်ပိုင်းတွင် အထူးလေယာဉ်ဖြင့် ဖနောင်ပင်မြို့ရှိ Techo အပြည်ပြည်ဆိုင်ရာလေဆိပ်သို့ ရောက်ရှိလာသည်။
နိုင်ငံတော်သမ္မတ ဦးမင်းအောင်လှိုင်အား ကမ္ဘောဒီးယားနိုင်ငံ ရေအရင်းအမြစ်နှင့် မိုးလေဝသဝန်ကြီးဌာန ဝန်ကြီးနှင့် ခရီးစဉ်တာဝန်ခံဝန်ကြီး H.E. Mr. THOR Chetha၊ တော်ဝင်နန်းတော်ဝန်ကြီးဌာနနှင့် အထက်လွှတ်တော် (Senate) ကိုယ်စားလှယ်များ၊ အမျိုးသားနှင့် နိုင်ငံတကာပွဲတော်များ ကျင်းပရေးအမျိုးသားကော်မတီ ကိုယ်စားလှယ်၊ နိုင်ငံခြားရေးနှင့် နိုင်ငံတကာပူးပေါင်းဆောင်ရွက်ရေးဝန်ကြီးဌာန လက်ထောက်အတွင်းဝန် မြန်မာနိုင်ငံဆိုင်ရာ ကမ္ဘောဒီးယားနိုင်ငံ သံအမတ်ကြီး နှင့် သက်ဆိုင်ရာတာဝန်ရှိသူများက ကြိုဆိုကာ၊ ကမ္ဘောဒီးယားနိုင်ငံ၏ ဂုဏ်ပြုတပ်ဖွဲ့မှ ကော်ဇောနီခင်းကျင်း၍ ဂုဏ်ပြုကြိုဆိုခဲ့သည်။