ဝါရှင်တန်၊နိုဝင်ဘာ ၃၀
တရုတ်နိုင်ငံသည် ၎င်း၏နျူကလီးယားတည်ဆောက်မှုနှုန်းကို ယခုအခြေအနေအတိုင်း ဆက်လက်လုပ်ဆောင်သွားပါက နောက်လာမည့် ၁၂ နှစ်အတွင်း နျူထိပ်ဖူးပေါင်း ၁,၅၀၀ အထိရှိလာနိုင်သည်ဟု ပင်တဂွန်၏ထုတ်ပြန်ချက်အရသိရှိရသည်။
လက်ရှိတွင်တရုတ်နိုင်ငံဘက်မှ နျူနှင့်ပတ်သက်၍ ထပ်မံအရှိန်တိုးမြှင့်သည့်အခြေနေမျိုးမမြင်ရသော်လည်း အဆိုပါပမာဏသည် အမေရိကအတွက်စိုးရိမ်စရာဖြစ်လာစေသည်။
ပင်တဂွန်၏ နှစ်စဉ်အစီရင်ခံစာအရ ၂၀၂၁ ခုနှစ်အထိ တရုတ်နိုင်ငံတွင် နျူထိပ်ဖူးပေါင်း ၄၀၀ ကျော်ရှိနေပြီဖြစ်ကြောင်းသိရှိရသည်။
သို့သော်တရုတ်ကမူ ၎င်း၏နျူထိပ်ဖူးပမာဏသည် ရုရှားနှင့်အမေရိကတို့ထက် နည်းပါးနေပြီး၎င်းအနေဖြင့်ဆွေးနွေးရန်လည်းအသင့်ရှိသည်ဟုဆိုသည်။
သို့သော်ထိုသို့ဆွေးနွေးနိုင်ရန် အမေရိကအနေဖြင့် ၎င်း၏နျူထိပ်ဖူးပိုင်ဆိုင်မှုအား တရုတ်နှင့်တန်းတူဖြစ်သည်အထိ လျှော့ချပေးရမည်ဟုဆိုခဲ့သည်။
လက်ရှိအချိန်တွင် အမေရိက၌နျူထိပ်ဖူးပေါင်း ၃,၇၀၀ ခန့်ပိုင်ဆိုင်ထားပြီး ၁,၇၄၀ ခန့်အား တပ်စွဲထားသည်ဟု စတော့ဟုမ်းနိုင်ငံတကာ ငြိမ်းချမ်းရေးသုတေသန (SIPRI)မှသိရှိရသည်။
Source : Reuters