ရွှေတုံးရွှေခဲများ ရောင်းချရာတွင် ကျပ်သိန်း (၂၀၀) အထက်အရောင်းအဝယ်များ ဘဏ်စနစ်ဖြင့်သာ ငွေပေးချေရန် ဗဟိုဘဏ်ပြော

ရွှေတုံးရွှေခဲများ ရောင်းချရာတွင် ကျပ်သိန်း (၂၀၀) အထက်အရောင်းအဝယ်များ ဘဏ်စနစ်ဖြင့်သာ ငွေပေးချေရန် ဗဟိုဘဏ်ပြော

ပြည်တွင်းရွှေဈေးကွက်အတွင်း ရွှေတုံး၊ရွှေခဲ ရောင်းချခြ င်းပြုလုပ်ရာတွင် ကျပ်သိန်း(၂၀၀) အထက်အရောင်း အဝယ်ပြုလုပ်မှုများကို ဘဏ်စနစ်ဖြင့်သာ ဆောင်ရွက်ရမည်ဟု မြန်မာနိုင်ငံဗဟိုဘဏ် တာဝန်ရှိသူက ပြောသည်။

ပြည်တွင်းရွှေဈေးကွက်အတွင်း တရားမဝင်ရောင်းဝယ်မှုများ မရှိစေရေး အစိုးရ၏ ထိန်း‌ ကြောင်းမှုများထဲတွင် အတုံး၊အခဲရောင်းဝယ်မှုများအား ဘဏ်စနစ်ဖြင့် ဆောင်ရွက်ကြရန် အစိုးရက စီစဉ်ညွှန်ကြားနေခြင်းလည်း ဖြစ်သည်။

“ရွှေတုံးရွှေခဲများ အရောင်းအဝယ် ပြုလုပ်ရာမှာ ကျပ်သိန်း(၂၀၀) အထက်ပိုတဲ့ ဝယ်ယူရောင်းချခြင်းတွေ လုပ်ရင် ရွှေတုံးရွှေခဲ ရောင်းချသူများနဲ့ ဝယ်ယူသူများရဲ့ဘဏ်မှာရှိတဲ့ Special အကောင့်များကို အသုံးပြုပြီး ငွေပေး ချေသွားရန် ဖြစ်ပါတယ်” ဟု ဗဟိုဘဏ် ဥက္ကဋ္ဌရုံး ညွှန် ကြားရေးမှူးချုပ် ဦးအောင်အောင်က ပြောသည်။

အဆိုပါ ညွှန်ကြားချက်မှာ ဗဟိုဘဏ်၏ အမိန့်အမှတ် ၄၃/၂၀၂၁ ခုနှစ်အရ ကုန်ပစ္စည်း ဝယ်ယူခြင်း၊ ရောင်းချခြင်း၊ လွှဲပြောင်းခြင်းများ ဆောင်ရွက်ရာတွင် ငွေကျပ် သိန်း(၂၀၀) အထက် ဆောင်ရွက်မှုများအား ဘဏ်စနစ်အသုံးပြု၍ ငွေပေးချေကြရန်ဆိုသည့် ညွှန်ကြားချက်နည်းတူ လုပ်ဆောင်ကြရန် ဖြစ်ကြောင်းလည်း သိရသည်။

လက်ရှိ ပြည်တွင်း ရွှေဈေးကွက်အတွင်း၌ ရွှေတုံးရွှေခဲ ရောင်းဝယ်မှုတွင် အများစုမှာ သက်ဆိုင်ရာ ရွှေအသင်းများမှတဆင့် ရွှေပြ၊ ငွေပြ ရောင်းဝယ်မှုစနစ်ဖြင့် အရော င်းအဝယ်ပြုလုပ်ပြီး လက်ရှိနိုင်ငံခြားငွေ ပေါက်ဈေးအ ပေါ်တွက်ချက်ကာ ဈေးနှုန်းသတ်မှတ်ရောင်းဝယ်ကြကြောင်းလည်း သိရသည်။

ယင်းသို့အရောင်းအဝယ် ပြုလုပ်ရာတွင်လည်း တရားမဝင် ရောင်းဝယ်ခြင်းများ၊ ဈေးကစားခြင်းများ၊ နယ်စပ်ဖြတ်ကျော်အရောင်းအဝယ်ပြုလုပ်ခြင်းများ၊ ငွေကြေးခဝါချမှုများ မလုပ်ဆောင်နိုင်ရန် လိုအပ်သည့် ကိုယ်ရေးအချက်အလက်များ ဖြည်သွင်းခြင်းများဖြင့် မှတ်တမ်းရယူထားကြောင်းလည်း သိရသည်။