ဗဟိုဘဏ်က နိုင်ငံခြားငွေဈေးနှုန်း ပြောင်းလဲသတ်မှတ်ပြီးနောက် ပြည်တွင်းစက်သုံးဆီဈေးနှုန်းများ ပြန်လည် မြင့်တက်

ဗဟိုဘဏ်က နိုင်ငံခြားငွေဈေးနှုန်း ပြောင်းလဲသတ်မှတ်ပြီးနောက် ပြည်တွင်းစက်သုံးဆီဈေးနှုန်းများ ပြန်လည် မြင့်တက်

ဗဟိုဘဏ်က ဒေါ်လာရည်ညွှန်းဈေး ပြောင်းလဲ သတ်မှတ်ပြီးနောက် ပြည်တွင်း စက်သုံးဆီဈေးကွက်တွင် ဈေးနှုန်းပြန်လည်မြင့်တက်မှုများ ဖြစ်ပေါ်နေသည်။

ပြီးခဲ့သည့် ရက်ပိုင်းအတွင်းက ၁၆၀၀ ကျပ် စွန်းစွန်းအထိကျခဲ့သည့် စက်သုံးဆီ ဈေးနှုန်းများမှာ ယနေ့ ဈေး ကွက်ပေါက်ဈေးအရ တစ်လီတာလျင် (၂၀၀) ကျော်အ ထိ ပြန်လည်မြင့်တက်လာခဲ့ခြင်း ဖြစ်သည်။

ယနေ့ သြဂုတ်လ (၉) ရက် ဈေးကွက်အတွင်း စက်သုံးဆီဈေးနှုန်းများမှာ (92)တစ်လီတာလျှင် ၁၈၆၀ ကျပ်၊ (95) တစ်လီတာလျှင် ၁၉၂၀ ကျပ်၊ (97) တစ်လီတာလျှင် ၂၃ ၃၅ ကျပ် ၊ ဒီဇယ် တစ်လီတာလျှင် ၂၁၂၀ ကျပ်နှင့် ပရီမီ ယံ ဒီဇယ် တစ်လီတာလျှင် ၂၁၈၅ ကျပ် ဖြစ်ကြောင်း ရန်ကုန်မြို့တွင်းရှိ စက်သုံးဆီ အရောင်းဆိုင်းများမှ သိရသည်။

ပြီးခဲ့သည့် လပိုင်းများအတွင်းက စက်သုံးဆီ တစ်လီတာလျင် ၂၃၅၀ ကျပ်ဝန်းကျင်အထိ ဈေးမြင့်တက်ခဲ့ရာမှ အစိုးရက ထိန်းချုပ်မှုများ လုပ်ဆောင်ခဲ့သည့်အတွက် အကျဘက်သို့ ဦးတည်ခဲ့သော်လည်း ဗဟိုဘဏ်၏ နိုင်ငံခြားငွေ ထိန်းချုပ်မှုများက စက်သုံးဆီ ဈေးကွက် မငြိမ်သက်မှုကို ဖြစ်ပေါ်စေကြောင်း လုပ်ငန်းရှင်အချို့က သုံးသပ်ကြသည်။

နစက အစိုးရအနေဖြင့် ပြည်ပသွင်းကုန်များအပေါ် ကန့် သတ်မှုများ လုပ်ဆောင်နေသော်လည်း နောက်ကျငွေချေစနစ်ဖြင့် တင်သွင်းဖြန့်ဖြူးနိုင်မည့် ဆီလုပ်ငန်းရှင်များကို ပြီးခဲ့သည့် လအတွင်းက ဖိတ်ခေါ်ခဲ့ပြီး တင်သွင်းမည့် ဆီအမျိုးအစား ၊ ပမာဏနှင့် ငွေပေးချေမည့် ပုံစံကို တင်ပြရန်လည်း ညွှန်ကြားထားသည်။

နစကအစိုးရ လက်အောက်ရှိ စက်သုံးဆီ တင်သွင်းသို လှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီက နေ့စဉ် စက်သုံးဆီ ရည်ညွှန်းဈေးနှုန်းများ သတ်မှတ်ပေးနေပြီး မြေပြင် ဈေးကွက်နှင့် ဈေးနှုန်းကွာဟမှုများလည်း ရှိနေကြောင်း သိရသည်။

နစကအနေဖြင့် စက်သုံးဆီ ဈေးကစားသူများနှင့် ဆိုင်အချို့ကို အရေးယူမှုများ လုပ်ဆောင်ခဲ့ပြီး နိုင်ငံတော်တွင် စက်သုံးဆီ လုံလောက်စွာ ရှိသည့်အပြင် အရန်ဆီပါ ထားရှိထားကြောင်း နစက ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ဇူလိုင်ကအတွင်းက နေပြည်တော်တွင် ပြုလုပ်သည့် သတင်းစာရှင်းလင်းပွဲတစ်ခုတွင် ပြောကြားထားသည်။