၂၀၂၃ ရွေးကောက်ပွဲတွင် ပညာရေး ဝန်ထမ်းများအပြင် အခြားဌာနဆိုင်ရာ ဝန်ထမ်းများကိုပါ မဲရုံမှူးတာဝန်ပေးရန် အစီအစဉ်ရှိဟု UEC ပြော

0
124

၂၀၂၃ ရွေးကောက်ပွဲတွင် ပညာရေး ဝန်ထမ်းများအပြင် အခြားဌာနဆိုင်ရာ ဝန်ထမ်းများကိုပါ မဲရုံမှူးတာဝန်ပေးရန် အစီအစဉ်ရှိဟု UEC ပြော

လာမည့် ၂၀၂၃ ခုနှစ် အထွေထွေ ရွေးကောက်ပွဲတွင် ‌မဲရုံမှူးတာဝန် ခန့်ထား တာဝန်ပေးရာ၌ ပညာရေး ဝန်ထမ်းများအပြင် အခြားသော ဌာနဆိုင်ရာ ဝန်ထမ်းများကိုပါ တာဝန်ပေးသွားရန် အစီစဉ်ရှိကြောင်းပြည်ထောင်စု ရွေး ကောက်ပွဲ ကော်မရှင် ထံမှ သိရသည်။

ဇူလိုင်လ (၂၆) ရက်က နေပြည်တော်၌ ကျင်းပသည့် နစက၏ (၁၈)ကြိမ်မြောက် သတင်းစာရှင်းလင်းပွဲတွင် ရွေးကောက်ပွဲကော်မရှင် ပြောရေးဆိုခွင့် ရှိသူက ပြောကြားခဲ့ခြင်း ဖြစ်သည်။

” နောင်ကျင်းပပြုလုပ်မယ့် ရွေးကောက်ပွဲမှာတော့ ကျော င်းဆရာ၊ ဆရာမတွေတင် မဟုတ်ပါဘူး။ ကျွန်တော်တို့ ဥပဒေနဲ့အညီ သတ်မှတ်ချက်နဲ့ ကိုက်ညီတဲ့အခြား အကြံ ပြုတဲ့ ဝန်ထမ်းတွေ အပါအဝင် အားလုံးပဲခြုံငုံသုံးသပ်ပြီးတော့ မဲရုံမှူးနဲ့ မဲရုံအဖွဲ့ဝင်တာဝန်တွေကို ကျွန်တော်တို့ပေး အပ်သွားမှာဖြစ်တဲ့အကြောင်း ပြန်လည်ဖြေကြားအပ်ပါတယ်” ဟု ပြည်ထောင်စု ရွေးကောက်ပွဲ ကော်မရှင်အဖွဲ့ဝင် ဦးခင်မောင်ဦးက ပြောသည်။

အမျိုးသားလွှတ်‌တော် ကိုယ်စားလှယ်ဟောင်း ဘူးလက်လှဆွေ၏ ရွေးကောက်ပွဲ လုံခြံရေးနှင့် မဲမသမာမှု မဖြစ်ဟုဆိုကာ မေးမြန်းမှုအပေါ် UEC ပြောရေး ဆိုခွင့် ရှိသူက ပြန်လည်ဖြေကြားခဲ့ခြင်း ဖြစ်သည်။

ပြီးခဲ့သည့် ရွေးကောက်ပွဲများတွင် မဲရုံမှုများအနေဖြင့် ပ ညာရေး ဝန်ထမ်းများကို ခန့်အပ်တာဝန်ပေးရခြင်းမှာ တစ်နိုင်ငံလုံးအတိုင်းအတာဖြင့် ပျံ့နှံ့မှုအားကောင်းသည့် ဝန်ထမ်းများမှာ ပညာရေးဝန်ထမ်းများသာ ဖြစ်သည့် အ တွက် ယင်းကဲ့သို့ ခန့်အပ်ရခြင်း ဖြစ်ကြောင်း ၎င်းက ပြောသည်။

၂၀၂၀ ရွေးကောက်ပွဲတွင် အချို့သော မဲရုံမှူးများအနေဖြ င့် ဥပဒေပြင်ပ လုပ်ဆောင်မှုများ လုပ်ဆောင်ခဲ့သည့် အတွက် အပြစ်ပေးအရေးယူမှုများ ဆောင်ရွက်ခဲ့ရကြော င်းလည်း သိရသည်။

၂၀၂၀ ရွေးကောက်ပွဲတွင် တစ်နိုင်ငံလုံးအတိုင်းအတာဖြင့် မဲရုံပေါင်း ၃၉၀၀၀ ကျော်အထိ ဖွင့်လှစ်ခဲ့ပြီး ပညာ ရေး ဌာနမှ ကျောင်းဆရာ/ ဆရာမများက မဲရုံမှူး တာဝန်ယူကာ လုပ်ဆောင်ပေးခဲ့ရခြင်း ဖြစ်သည်။

အဆိုပါ ၂၀၂၀ ရွေးကောက်ပွဲတွင် မဲမသမာမှုများရှိသည်ဟုဆိုကာ တိုင်း ပြည်အာဏာကို တပ်မတော်ကထိမ်းထားခဲ့ခြင်းဖြစ်သည်။


LEAVE A REPLY

Please enter your comment!
Please enter your name here