ဆပ်ပြာ၊ ဆပ်ပြာမှုန့် နဲ့သွားတိုက်ဆေး တွေကို နယ်စပ်ကနေ တစ်ဦးချင်း တင်သွင်းခွင့် ပိတ်လိုက်ပြီ

နေပြည်တော် ‌ဇွန် ၆

ပြည်တွင်း ထုတ်ကုန်တွေကို ပိုမိုဈေးကွက် ရရှိစေဖို့ ဆိုပြီး မြဝတီ နယ်စပ်ကနေ လူတစ်ဦးချင်း ကုန်သွယ်ခွင့် ITC ကတ်နဲ့ ဆပ်ပြာ အပါအဝင်၊ ဆပ်ပြာမှုန့် နဲ့ သွားတိုက်ဆေး အမျိုးမျိုးကို တင်သွင်းခွင့်ပိတ် လိုက်ပြီလို့ ကုန်သွယ်ရေး ဦးစီးဌာန ကနေသိရပါတယ်။

ပြည်တွင်း ထုတ်ကုန်တွေနဲ့ SME လုပ်ငန်းတွေကို အကာအကွယ်ပေးနိုင်ဖို့ နဲ့ ဈေးကွက်ယှဉ်ပြိုင်မှု အတွက် ပြည်ပကနေ ကုန်ပစ္စည်း အချို့ကို ITC ကတ်နဲ့ တင်သွင်းခွင့် ပိတ်လိုက်တာဖြစ်ပါတယ်။

အခုလ (၄)ရက်နေ့ ကစပြီး နယ်စပ်စခန်း အသီးသီးကနေ လူတစ်ဦးချင်း ကုန်သွယ်ခွင့် ITC ကတ်နဲ့ ဆပ်ပြာ အပါအဝင် လူသုံးကုန်အချို့ တင်သွင်း ခွင့်ကို မပြုတော့တာပါ။

ITC ကတ် နဲ့ နယ်စပ်ကနေ တင်သွင်းခွင့်မပေးပေမယ့်လည်း ကုမ္ပဏီများ အနေနဲ့ လိုင်စင်လျှောက်ထားပြီး တင်သွင်းနိုင်တဲ့ အခြေအနေ မှာတော့ ရှိပါတယ်။