ရန်ကုန်တိုင်း၊ ကြည့်မြင်တိုင်မြို့နယ်၊ ကမ်းနားလမ်းမပေါ်ရှိ သီရိမင်္ဂလာဈေးဟောင်းရှေ့တွင် ဆက်သွယ်ရေးတိုင်ဟောင်းများကိုလဲလှယ်တပ်ဆင်လျက်ရှိကြောင်း သိရသည်။
သက်ဆိုင်ရာ ဌာနတာဝန်ရှိသူများ၊ ကျွမ်းကျင်ဝန်ထမ်းများက ဆက်သွယ်ရေးတိုင်ဟောင်းများနှုတ်သိမ်းခြင်းနှင့် တိုင်သစ်များပေါ်သို့ ကေဘယ်ကြိုးများရှင်းလင်းရွှေ့ပြောင်းတပ်ဆင်ခြင်းတို့ကိုပြုလုပ်လျက်ရှိကြောင်း သိရသည်။
ထိုသို့ ပြုလုပ်နေမှုကို ရန်ကုန်တိုင်းအစိုးရအဖွဲ့၊ လျှပ် စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန် ကြီး ဒေါက်တာမျိုးသော်က သြဂုတ် ၁၀ ရက်မွန်းလွဲပိုင်းတွင်ကြည့်ရှုစစ်ဆေးခဲ့ကြောင်း သိရသည်။
ကြည့်ရှုစစ်ဆေးစဥ် ကမ်းနားလမ်းမကြီးအဆင့်မြှင့်တင်ရန်နှင့် မြို့အင်္ဂါရပ်သန့်ရှင်းသပ်ရပ်စေရေးအတွက် ဟောင်းနွမ်းနေသောတိုင်များစနစ်တကျနှုတ်သိမ်းရန်၊ ပြည်သူများသွားလာရာတွင် အန္တရာယ်မရှိစေရေးအ တွက် လျှပ်စစ်/ဆက်သွယ်ရေးကေဘယ်ကြိုးများကို စနစ်တကျရွှေ့ ပြောင်းတပ်ဆင်ရန်၊ စံချိန်စံညွှန်းမီ ကေဘယ်လိုင်းများသပ်ရပ်စွာတပ်ဆင်ရန်နှင့် သတ်မှတ်ကာလအတွင်းပြီးစီးရန်တို့ကိုမှာကြားခဲ့ကြောင်း သိရသည်။