စစ်မြေပြင်ဆိုင်ရာအတွေ့အကြုံများဖလှယ်ရေးအ တွက် မြန်မာ-ရုရှားကြည်းတပ်နှစ်ရပ်ကြား တပ်ဖွဲ့များစု ပေါင်းလေ့ကျင့်ခန်းကို နေပြည်တော်၊ ဥတ္တရသီရိတပ် နယ်ရှိ နယ်မြေခံသင်တန်းကျောင်း၊ လေ့ကျင့်ရေးနယ် မြေ၌ပြုလုပ်ခဲ့ကြောင်း သိရသည်။
တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးရဲဝင်းဦးတက်ရောက်၍ မြန်မာ-ရုရှားပူးပေါင်းအဖွဲ့များ၏ Drone အဖွဲ့က ရန်သူ့နယ်မြေအတွင်းကင်းထောက် Drone ဖြင့်ကင်းထောက်ခြင်း၊ စီးနင်းတိုက်ခိုက်ရေးအ ဖွဲ့များက ရဟတ်ယာဉ်ဖြင့် ယာဉ်ဆင်းရပ်သို့ဆင်းသက်ခြင်း၊ Sniper အဖွဲ့က ရန်သူ့အဖွဲ့ငယ်နေရာများအား စနိုက်ပါဖြင့်ပစ်ခတ်ခြင်း၊ FPV၊ Heavy Drone တို့ဖြင့် ကြို တင်ချေမှုန်းခြင်း၊ တိုက်စစ်စီမံချက်ပါအတိုင်းလေ့ ကျင့်ခြင်း၊ ရည်မှန်းချက်အသီးသီးသို့ တိုက်ပွဲလုပ်ငန်း အဆင့်အလိုက် ထိုးဖောက်ဝင်ရောက်၍ ရန်သူကိုချေ မှုန်းတိုက်ခိုက်ပြီး ရည်မှန်းချက်အသီးသီးကိုသိမ်းပိုက်ခြင်းများလေ့ကျင့်မှုများကိုကြည့်ရှုခဲ့ကြောင်း သိရသည်။
ထို့နောက် လေ့ကျင့်ခန်းအောင်မြင်စွာဆောင်ရွက်ခဲ့ခြင်းအထိမ်းအမှတ်အဖြစ် Quadcopter Drone (၂)စီးဖြင့် မြန်မာ-ရုရှားနှစ်နိုင်ငံအလံများအားချိတ်ဆွဲ၍ သယ် ဆောင်ပျံသန်းချီတက်ခဲ့ကြပြီး တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးရဲဝင်းဦးနှင့် ရုရှားတပ်မ တော်ကိုယ်စားလှယ်အဖွဲ့ခေါင်းဆောင် ဒု-ဗိုလ်ချုပ်ကြီး NOSULEV Mikhail Yakovlevich တို့က ဂုဏ်ပြုအမှာစကားများပြောကြားခဲ့ကြကြောင်း သိရသည်။
ဗိုလ်ချုပ်ကြီးရဲဝင်းဦးက လေ့ကျင့်ခန်းတွင် မြန်မာ့တပ် မတော်ကာကွယ်ရေးပစ္စည်းစက်ရုံများမှထုတ်လုပ် သည့် စစ်လက်နက်ပစ္စည်းများနှင့် ရုရှားတပ်မတော်က လက်ရှိအသုံးပြုလျက်ရှိသော နည်းပညာမြင့်မားသည့် စစ်လက်နက်ပစ္စည်းများကိုပေါင်းစပ်အသုံးပြုတိုက် ခိုက်ခြင်းမှာများစွာအကျိုးရှိစေသည်ဟုပြောကြားခဲ့ကြောင်း သိရသည်။
ထို့ပြင် မြန်မာ-ရုရှားနှစ်နိုင်ငံစစ်ဘက်ဆိုင်ရာပူးပေါင်းဆောင်ရွက်မှုများ နှစ်စဉ်တိုးတက်လျက်ရှိပြီး နှစ်ဖက်တပ်မတော်အကြီးအကဲများနှင့် အဆင့်မြင့်အရာရှိကြီးများ၏ အပြန်အလှန်ခရီးစဉ်များလည်ပတ်လျက်ရှိသည်ဟုပြောကြားခဲ့ကြောင်း သိရသည်။
ထို့နောက် တပ်မတော်ကာကွယ်ရေးဦးစီးချုပ်နှင့် ရုရှားတပ်မတော်ကိုယ်စားလှယ်အဖွဲ့ခေါင်းဆောင်တို့က အ ထိမ်းအမှတ်တံဆိပ်နှင့် လက်ဆောင်ပစ္စည်းများကို အ ပြန်အလှန်ပေးအပ်ခဲ့ကြပြီး တပ်မတော်ကာကွယ်ရေးဦး စီးချုပ်က လေ့ကျင့်ခန်းတွင်ပါဝင်ခဲ့ကြသည့် တပ်ဖွဲ့များအတွက် သစ်သီးခြင်းများလက်ဆောင်ပေးအပ်ခဲ့ကြောင်း သိရသည်။
မြန်မာ-ရုရှားကြည်းတပ်နှစ်ရပ်ကြား တပ်ဖွဲ့များစု ပေါင်းလေ့ကျင့်ခြင်းကို ဇူလိုင် ၆ ရက်မှစတင်ခဲ့ခြင်းဖြစ်ကာ အင်ဂျင်နီယာ၊ ဒရုန်း၊ စနိုက်ပါ၊ ဆေး၊ ဆက်သွယ်ရေး၊ တောတွင်းစစ်ဆင်ရေး၊ တောင်ပေါ်စစ်ဆင် ရေးဘာသာရပ်များနှင့် စစ်မြေပြင်အတွေ့အကြုံများကို ရုရှားနည်းပြများနှင့် မြန်မာနည်းပြများက စာတွေ့/လက်တွေ့လေ့ကျင့်သင်ကြားပေးခဲ့ကြောင်း သိရသည်။
ထို့ပြင် ရုရှားတပ်မတော်မှ နည်းပြများနှင့်လေ့ကျင့်ခန်းတွင်ပါဝင်ခဲ့ကြသောတပ်ဖွဲ့ဝင်များသည် မြန်မာနိုင်ငံသို့ခေတ္တရောက်ရှိနေစဉ် နေပြည်တော်ရှိ မာရဝိဇယဗုဒ္ဓရုပ် ပွားတော်မြတ်ကြီးအားဖူးမျှော်ကြည်ညိုခြင်း၊ တပ်မ တော်စစ်သမိုင်းပြတိုက်နှင့် အခြားအထင်ကရနေရာများကိုလေ့လာခြင်း၊ နှစ်နိုင်ငံတပ်မတော်နှစ်ရပ်ကြား ချစ်ကြည်ရေးအားကစားပြိုင်ပွဲများယှဥ်ပြိုင်ခြင်းတို့ကိုလည်းပြုလုပ်ခဲ့ကြကြောင်း သိရသည်။