ဂျပန်လူမျိုးနည်းပြချုပ်အသစ်၏ နည်းဗျူဟာနှင့်အတူ ပွဲထွက်လာခဲ့သော မြန်မာ့လက်ရွေးစင်အမျိုးသမီးအသင်းသည် ဇွန် ၃ ရက်က AYA Tri- Nations Cup 2026 အဖြစ် ဥဇဘတ်ကစ္စတန်အသင်းနှင့် ရန်ကုန်မြို့ရှိ သုဝဏ္ဏဘောလုံးကွင်း၌ ယှဥ်ပြိုင်ကစားခဲ့သည်။
မြန်မာ့လက်ရွေးစင်အမျိုးသမီးအသင်းနှင့် ဥဇဘတ်ကစ္စတန်အသင်းတို့မှာ အကြိတ်အနယ်ယှဥ်ပြိုင်ကစားခဲ့ကြပြီးနောက် ပွဲပြီးဆုံးချိန်တွင် မြန်မာ့လက်ရွေးစင် အမျိုးသမီးအသင်းမှာ ဥဇဘတ်ကစ္စတန်အသင်းအား ၁ ဂိုး ဂိုးမရှိရလဒ်ဖြင့် ရှုံးနိမ့်ခဲ့ရသည်။
AYA Tri-Nations Cup 2026 ပြိုင်ပွဲ၏ ဒုတိယပွဲစဥ်အဖြစ် မြန်မာ့လက်ရွေးစင်အမျိုးသမီးအသင်းသည် ဇွန် ၉ ရက်တွင် ထိုင်းအသင်းနှင့် ယှဥ်ပြိုင်ကစားရမည် ဖြစ်သည်။
မြန်မာနိုင်ငံဘောလုံးအဖွဲ့ချုပ် (MFF) က မြန်မာ့လက်ရွေးစင်အမျိုးသမီးအသင်း၏ AYA Bank Tri-Nations Cup (Women Friendly) အပါအဝင် နိုင်ငံတကာပြိုင်ပွဲများအတွက် ပြင်ဆင်မှုတစ်ရပ်အဖြစ် ဂျပန်လူမျိုးနည်းပြ မစ္စတာ မစ်ဆူအို ကာတိုကို နည်းပြချုပ်အဖြစ် (၂) စာချုပ်ဖြင့်ခန့်အပ်ထားသည်။