မေလ (၁၉)ရက် ညနေပိုင်းက ယှဉ်ပြိုင်ကစားခဲ့သည့် ကမ္ဘာ့ပိုက်ကျော်ခြင်းပြိုင်ပွဲ (King’s Cup) အမျိုးသားသုံးယော က်တွဲ (Regu Event) ဗိုလ်လုပွဲတွင် မြန်မာအသင်းသည် ထိုင်းအသင်းကို အကြိတ်အနယ် ယှဉ်ပြိုင်ခဲ့သော်လည်း ရလဒ်ပိုင်းအရ ရှုံးနိမ့်ခဲ့ပြီး ငွေတံဆိပ်ဆုဖြင့်သာ ကျေနပ်ခဲ့ရသ ည်။
မြန်မာအသင်းသည် အဓိက ကစားသမားများဖြစ်သည့် အောင်အောင်၊ သန့်ဇင်ထွန်းနှင့် ရဲထက်တို့ဖြင့် ပွဲထွက်လာခဲ့ပြီး ထိုင်းအသင်းကို အစွမ်းကုန် တုံ့ပြန်ကစားခဲ့သော်လည်း ပထမပွဲ( ၈ – ၁၅) ထိုင်းအနိုင်၊ ဒုတိယပွဲ(၁၅ – ၁ )မြန်မာအ နိုင်၊ အဆုံးအဖြတ်ပွဲ(၇ – ၁၅) ထိုင်းအနိုင် ရလဒ်တို့ရရှိခဲ့ကြောင်း သိရသည်။
ပွဲစဉ်တလျှောက် မြန်မာအသင်းသည် ဒုတိယပွဲတွင် ပြန်လ ည်အနိုင်ရရှိခဲ့သဖြင့် မျှော်လင့်ချက်များ ရှိခဲ့သော်လည်း နောက်ဆုံး အဆုံးအဖြတ်ပွဲတွင် ထိုင်းအသင်း၏ အမှားအယွင်းမရှိ တိုက်စစ်ဆင်မှုများကြောင့် ရှုံးနိမ့်ခဲ့ခြင်းဖြစ်သည်။
သုံးယောက်တွဲ (Regu Event) ပြိုင်ပွဲတွင် ထိုင်းအသင်းက ရွှေတံဆိပ်၊ မြန်မာအသင်းက ငွေတံဆိပ်များ အသီးသီးရရှိခဲ့ကြပြီး တောင်ကိုရီးယားနှင့် မလေးရှားအသင်းတို့က ပူးတွဲကြေးတံဆိပ်ဆုများကို ဆွတ်ခူးသွားခဲ့ကြသည်။
ထို့ပြင် ယခင်ယှဉ်ပြိုင်ပြီးစီးခဲ့သည့် လေးယောက်တွဲ (Quad rant Event) ပြိုင်ပွဲတွင်လည်း မြန်မာအသင်းသည် ဗီယက် နမ်အသင်းနှင့်အတူ ပူးတွဲကြေးတံဆိပ်ဆု ကို ရယူပေးနိုင်ခဲ့ကြောင်း သိရသည်။
မြန်မာ့လက်ရွေးစင် ပိုက်ကျော်ခြင်းအဖွဲ့ချုပ်အနေဖြင့် ယခုနှစ် ကမ္ဘာ့ပြိုင်ပွဲတွင် ဆုတံဆိပ်များ ထိုက်ထိုက်တန်တန် ဆွ တ် ခူးနိုင်ခဲ့သည့်အတွက် ပရိသတ်များက လူမှုကွန်ရက်ပေါ်တွင် ဂုဏ်ပြုစကားများ ပြောကြားလျက်ရှိသည်။