၂၀၁၃ ခုနှစ် တိုင်းဒေသကြီး (သို့မဟုတ်) ပြည်နယ်လွှတ်တော်ဆိုင်ရာဥပဒေ ပုဒ်မ ၂၀၊ နည်းဥပဒေ ၃၊ နည်းဥပဒေခွဲ (က)၊ နည်းဥပဒေခွဲငယ် (၁) တို့အရ တတိယအကြိမ် ဧရာဝတီတိုင်းဒေသကြီးလွှတ်တော် ဒုတိယပုံမှန်အစည်းအဝေးကို ၂၀၂၆ ခုနှစ် ဇွန်လ ၂ ရက် (အင်္ဂါနေ့) နံနက် ၁၀ နာရီတွင် ပုသိမ်မြို့ရှိ ဧရာဝတီတိုင်းဒေသကြီးလွှတ်တော် အစည်းအဝေးခန်းမ၌ ကျင်းပသွားမည်ဖြစ်ကြောင်း သိရသည်။
ယင်းအစည်းအဝေးသို့ တိုင်းဒေသကြီးလွှတ်တော်ကိုယ်စားလှယ်များနှင့် တပ်မတော်သားလွှတ်တော်ကိုယ်စားလှယ်များ တက်ရောက်နိုင်ရေးအတွက် ၂၀၂၆ ခုနှစ် ဇွန်လ ၁ ရက် (တနင်္လာနေ့) တွင် လွှတ်တော်ရုံးသို့ ကြိုတင်သတင်းပို့ရန် ဧရာဝတီတိုင်းဒေသကြီးလွှတ်တော် သတင်းထုတ်ပြန်ရေးအဖွဲ့က ထည့်သွင်းထုတ်ပြန်ထားသည်။
ထို့ပြင် ဧရာဝတီတိုင်းဒေသကြီးလွှတ်တော်ဥက္ကဋ္ဌက ဒုတိယပုံမှန်အစည်းအဝေးမှစတင်၍ ဌာနဆိုင်ရာများအနေဖြင့် လွှတ်တော်အစည်းအဝေးပြီးဆုံးချိန်တွင် ဌာနအလိုက် လုပ်ငန်းဆောင်ရွက်ချက်များအား ရှင်းလင်းတင်ပြနိုင်ရေး ကြိုတင်ပြင်ဆင်မှုများ ဆောင်ရွက်ထားရန် ညွှန်ကြားထားကြောင်းလည်း သိရသည်။