နီပေါနိုင်ငံဆိုင်ရာ မြန်မာသံအမတ်ကြီး ဦးသန့်စင်သည် နီပေါနိုင်ငံ၏ ထိပ်သီး Think Tank အဖွဲ့အစည်းတစ်ခုဖြစ်သည့် Nepal Development Research Insti tute (NDRI)မှ တာဝန်ရှိသူများနှင့် တွေ့ဆုံကာ နှစ်နိုင်ငံပညာရေးမူဝါဒဆိုင်ရာ ပူး ပေါင်းဆောင်ရွက်ရေး ကိစ္စရပ်များကို ဆွေးနွေးခဲ့ကြကြောင်း သိရသည်။
ယမန်နေ့က ကတ္တမန္ဒူးမြို့ရှိ မြန်မာသံရုံး၌ ပြုလုပ်သည့် အဆိုပါတွေ့ဆုံပွဲတွင် NDRI ဥက္ကဋ္ဌ Dr. Jaya Kumar Gurung က ၎င်းတို့အဖွဲ့အစည်း၏ သုတေသနနှင့် ပညာရပ်ဆိုင်ရာ ဆောင် ရွက်ချက်များကို ရှင်းလင်းပြောကြားခဲ့ကြသည်။
ဆွေးနွေးချက်အတွင်း အနာဂတ်တွင် မြန်မာနှင့် နီပေါ နှစ်နိုင်ငံအကြား ပညာရေးမူဝါဒဆိုင်ရာ နှီးနှောဖလှယ်ပွဲများ ကျင်းပနိုင်ရေး၊ မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ (MISIS) နှင့် NDRI တို့အကြား အသိပညာဖလှယ်ရေးနှင့် ပူးပေါင်းဆောင်ရွက်နိုင်မည့် အခွင့်အလမ်းများ၊ မေလအတွင်း ကျင်းပမည့် NDRI ၏ (၂၃) ကြိမ်မြောက် နှစ် ပတ်လည်နေ့ အခမ်းအနားသို့ မြန်မာသံအမတ်ကြီး တက်ရောက်ရန် ဖိတ်ကြားခြင်းစသည်တို့ကို ပါဝင်ကြောင်း သိရသည်။
ယခု တွေ့ဆုံမှုကြောင့် မြန်မာနှင့် နီပေါနိုင်ငံအကြား သံတမန်ရေးရုံသာမက ပညာရေးနှင့် မူဝါဒရေးရာ သုတေသနကဏ္ဍများတွင်ပါ ပိုမိုနီးကပ်စွာ ပူးပေါင်းဆောင်ရွက်လာနိုင်မည် ဖြစ်ကြောင်း သိရသည်။