မြန်မာနိုင်ငံရာသီဥတုနှင့်ကိုက်ညီသည့် တရုတ်နိုင်ငံမှထွက်ရှိသော စိုက်ပျိုးရေးပြောင်းများကို တရုတ်နိုင်ငံ၊ ဟူပေခန်းနောင်းမျိုးစေ့ကုမ္ပဏီက မြန်မာနိုင်ငံတွင်စမ်းသပ်စိုက်ပျိုးလျက်ရှိကြောင်း သိရသည်။
ဟူပေခန်းနောင်းမျိုးစေ့ကုမ္ပဏီက အဓိကပြောင်းမျိုး စေ့များဖြစ်သော KN 909၊KN8 , KN919 , KN008 တို့ကို နေပြည်တော်၊ ပုဗ္ပသီရီမြိုနယ်ရှိ လယ်တောတွင်စမ်းသပ်စိုက်ပျိုးလျက်ရှိကာအောင်မြင်ဖြစ်ထွန်းပြီး ရှမ်းပြည်နယ်၊ ပင်လောင်း၊ ရွာငံ၊ ရပ်စောက်တို့တွင်လည်း KN909 , KN808 မျိုးစေ့များကိုစမ်းသပ်စိုက် ပျိုးရာအောင်မြင်ဖြစ်ထွန်းလျက်ရှိကြောင်း သိရသည်။
” မျိုးစေ့တွေကအထွက်နှုန်းကောင်းတယ်။ ခန့်မှန်းခြေမနှစ်ကစံနှုန်းယူတဲ့အခါ (၂,၁၀၀)ပိသာလောက်ရတယ် ။ ရောဂါပိုးပွှားဒ-ဏ်လည်းခံနိုင်ရည်ရှိတယ်။ အဓိက KN 909 နဲ့ KN808 မျိုးစေ့တွေကိုအကြိုက်ဆုံးဘဲ KN 08 ပြောင်းအမျိုးအစားကို ဧကဒသမ(၅၀)လောက်စီစမ်း သပ်စိုက်ပျိုးတာ အထွက်နှုန်းကောင်းတယ်။ ဒီနှစ်မှာလည်း ခန်းနောင်းကုမ္ပဏီရဲ့ KN909 , KN808 မျိုးစေ့တွေကိုဆက်လက်စိုက်ပျိုးဖို့အစီအစဥ်ရှိပါတယ်”ဟု ဓနုတိုင်းရင်းသားတောင်သူဦးဘမော်ကပြောသည်။
ခန်းနောင်းမျိုးစေ့ကုမ္ပဏီက နေပြည်တော်၌ မေ ၅ ရက်နံနက်ပိုင်းက အရည်အသွေးမြင့် KN အမှတ်တံဆိပ်စပ်မျိုးပြောင်းဖူးမျိုးစေ့မိတ်ဆက်ပွဲတွင် ဓနုတိုင်းရင်းသားရေးရာအဖွဲချုပ်(ဗဟို)၊ မြေပြန်ဒေသဖွံဖြိုးရေးနှင့်ထွက်ကုန်စျေးကွက်ရှာဖွေရေးကော်မတီတို့နှင့် ပူးပေါင်းဆောင်ရွက်ရေးအတွက် MOU ရေးထိုးခဲ့ကြောင်း သိရသည်။
ခန်းနောင်းမျိုးစေ့ကုမ္ပဏီသည် မြန်မာနိုင်ငံတွင် စိုက် ပျိုးရေးသုသေသနလုပ်ငန်းနှင့် မျိုးစေ့ထုတ်လုပ်မှုလုပ်ငန်းတို့၌ ပူးပေါင်းဆောင်ရွက်ရန်သွားမည်ဖြစ်ကာ ကုမ္ပဏီ၏ အဓိကပြောင်းမျိုးစေ့များဖြစ်သော KN 909 , KN8 , KN919 , KN008 တို့သည် ပုံမှန်အထွက်နှုန်းထက် (၂၀)ရာခိုင်နှုန်းပိုမိုထွက်ရှိကာ အပူဒ-ဏ်၊ ပိုးမွှားဒ-ဏ်၊ ရာသီဥတုမကိုက်ညီမှုရောဂါဒဏ်တို့ကိုခံနိုင်ရည်ရှိကြောင်း သိရသည်။
kN8 ပြောင်းအမျိုးအစားမှာအပင်ပုံစံကျစ်လစ်ပြီးအပင်အမြင့်(၂၆၇)စင်တီမီတာခန့်မှန်းရှိကာ အဖူးထွက်ရှိသည့်အမြင့်(၁၀၉)စင်တီမီတာခန့်ရှိ၍ ပြောင်းဖူးကြီးပြီး အစေ့မှာရွှေရောင်တောက်ကြည်လင်လျက်ရှိပြီး တိရစ္စာန်အစာနှင့် အစေ့ထုတ်လုပ်ရန်အတွက် အရည်အ သွေးကောင်းမွန်ကာ ပင်စည်တုတ်ခိုင်သန်စွမ်း၍ အပင်လဲခြင်း၊ ကျိုးပဲခြင်းဒ-ဏ်တို့ကို အထူးခံနိုင်ရည်ရှိရာစိုက်ပျိုးရာ၌စိတ်ချရကြောင်း သိရသည်။