မွန်ပြည်နယ်၊ သထုံမြို့နယ်ရှိ မော်လမြိုင်-ရန်ကုန်သွားကားလမ်းပေါ်ရှိ သာယာကုန်းတံတားဘောင်အား ကြက်ဥများတင်လာသော(၆)ဘီးကားမှ အရှိန်မထိန်းနိုင်ဘဲဝင်တိုက်မိခဲ့မှု ယနေ့ သြဂုတ် ၂၉ ရက်နံနက် ၈ နာရီခွဲခန့်ကဖြစ်ပွားခဲ့ကြောင်း မီးသတ်တပ်ဖွဲ့နှင့် ဒေသခံလူမှုကူညီရေးအသင်းဝင်များထံမှ သိရသည်။
မော်လမြိုင်-ရန်ကုန်သွားကားလမ်း ကြက်ဥများတင်၍မောင်းနှင်လာသော (၆)ဘီးကားသည် သထုံမြို့နယ်၊ သာယာကုန်းကျေးရွာရှိ သာယာကုန်းတံ တားဘောင်အား အရှိန်မထိန်းနိုင်ဘဲဝင်တိုက်မိကာ ကားမောင်းသူနှင့် လိုက်ပါလာသူတို့မှာကားအတွင်းညပ်နေသဖြင့် သထုံမြို့နယ်မီးသတ်စခန်းမှတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များနှင့် ဒေသခံလူမှုကူညီရေးအသင်းဝင်များက ကယ်ထုတ်မှုများပြု လုပ်ခဲ့ကြကြောင်း သိရသည်။
ထိုသို့ ကယ်ထုတ်ခဲ့ကြပြီးနောက် ထိခိုက်ဒဏ်ရာများ(မစိုးရိမ်ရ)ရရှိထားသဖြင့် မြေပြင်ကုသမှုများပြုလုပ်ပေးခဲ့ကြပြီးနောက် ပီတိနှလုံးသားပိုင်ရှင်လူ မှုကူညီရေးအသင်းမှ သထုံခရိုင်ပြည်သူ့ဆေးရုံသို့ပို့ဆောင်ပေးခဲ့ကြကြောင်း သိရသည်။