ဂျပန်နိုင်ငံတွင် ဖေဖော်ဝါရီ လ ၈ ရက်နေ့ မနက်ပိုင်းက ဆီးနှင်းအကြီးအကျယ်ကျဆင်းမှုကြောင့် Shinkansen ကျည်ဆန်ရထားဝန်ဆောင်မှုများ ရပ်ဆိုင်းရခြင်း သို့မဟုတ် ခရီးစဉ်နှောင့်နှေးခြင်းများဖြစ်ခဲ့သည်။
Jomo-Kogen ဘူတာရုံတွင် အမှတ်အသားများ ယိုယွင်းပျက်စီးမှုကြောင့် နံနက် ၅း၄၀ နာရီဝန်းကျင်မှစ၍ တာကာဆာကီနှင့် နာဂါအိုကာ ဘူတာရုံများအကြား ရထားပြေးဆွဲမှုများကို ရပ်ဆိုင်းလိုက်ရသည်ဟု အရှေ့ဂျပန်မီးရထားလိုင်း Joetsu Shinkansen က ပြောဆိုသည်။
ထို့အတူ ဆန်ဒိုင်းနှင့် မိုရီအိုကာ ဘူတာရုံများအကြား ရထားပြေးဆွဲမှုများသည်လည်း ဆီးနှင်းဆက်စပ်သော အတားအဆီးများဖြစ်ပေါ်ခဲ့သဖြင့် နံနက် ၅း၄၀ နာရီဝန်းကျင်တွင် Tohoku Shinkansen ရထားခရီးစဉ်များ ကိုယာယီရပ်ဆိုင်းလိုက်ရသည်။
ထို့အပြင် ဆီးနှင်းဖယ်ရှားရှင်းလင်းမှု အခက်အခဲများကြောင့် ဖူကူရှီးမားနှင့် ရှင်ဂျိုဘူတာရုံများအကြား Yamagata Shinkansen ရထားလိုင်းပြေးဆွဲမှုများကို ပထမဆုံး ရထားထွက်ခွာသွားအပြီးတွင် ရပ်ဆိုင်းလိုက်ရသည်ဟု ဆိုသည်။
ဂျပန်အလယ်ပိုင်း ရထားလိုင်း (JR Tokai) Tokaido Shinkansen ၏ အဆိုအရ မီကာဝါ-အန်ဂျို နှင့် ရှင်-အိုဆာကာ အကြား ရထားပြေးဆွဲမှုများကို အရှိန်လျှော့ချပြေးဆွဲပေးနေခဲ့ပြီး ပုံမှန်ခရီးချိန်ထက် မိနစ် ၃၀ ကျော် ခရီးကြန့်ကြာမှုဖြစ်ခဲ့သည်ဟု သိရသည်။
Ref: သည်စထရိတ်တိုင်းမ်စ်