Myanmar National League 2024-25 Week-18 အပြီး သွင်းဂိုးအများဆုံးဖြင့် အဆင့် (၁) နေရာတွင် ရန်ကုန်ယူနိုက်တက် တိုက်စစ်မှူး ရန်ကျော်ထွေးက သွင်းဂိုး (၁၂) ဖြင့် ရပ်တည်နေကြောင်း မြန်မာနေရှင်နယ်လိဂ်ကော်မတီထံက သိရသည်။
အဆင့် (၂)နေရာတွင် ဒဂုံပေါ့တိုက်စစ်မှူး မိုဂူက သွင်းဂိုး (၁ ၁) ဂိုးဖြင့် ရပ်တည်နေပြီး အဆင့် (၃)နှင့် (၄) နေရာများတွင် သွင်းဂိုး (၁၀)ဂိုးစီဖြင့် မဟာယူနိုက်တက်အသင်း တိုက်စစ်မှူး ပက်ထရစ်နှင့် ဒဂုံစတားယူနိုက်တက် တိုက်စစ်မှူး ဆောင်လမန်တို့က ရပ်တည်နေကြသည်။
ထို့အတူ အဆင့် (၅)နှင့် (၆) နေရာများတွင် သွင်းဂိုး(၉)ဂိုးစီဖြင့် ဟံသာဝတီယူနိုက်တက် တိုက်စစ်မှူး အောင်မြတ်သူနှင့် ISPE တိုက်စစ်မှူး သိန်းဇော်သီဟတို့က သွင်းဂိုး (၉)ဂိုးစီဖြင့် အသီးသီးရပ်တည်နေကြသည်။
ဖေဖော်ဝါရီ ဒုတိယအပတ်အတွင်း ပြီးဆုံးတော့မည့် Myanmar National League 2024-25 Week -18 ပွဲစဉ်များကို ဇန်နဝါရီ (၃၁)ရက်တွင် ပြန်လည်ပြုလုပ်သွားမည်ဖြစ်ပြီး လက်ရှိ အုပ်စုတွင်းအဆင့်ရပ်တည်(၁)တွင် ရှမ်းယူနိုက်တက်အသင်းက ရပ်တည်နေခြင်းဖြစ်သည်။
လက်ရှိ ကျင်းပနေသည့် မြန်မာနေရှင်နယ်လိဂ်ပြိုင်ပွဲသည် (၁၅)ကြိမ်မြောက် ရှိပြီဖြစ်ကာ အသင်း (၁၂)သင်း ဝင်ရောက်ယှဉ်ပြိုင်ကစားနေကာ ၂၀၂၄ ဇူလိုင်လ (၆) ရက်မှ ၂၀၂၅ ဖေဖော်ဝါရီလ (၁၆) ရက်ထိ (၈) လကြာ ကျင်းပပြုလုပ်နေခြင်းလည်းဖြစ်သည်။