၁၀၄နှစ်မြောက် မြန်မာ့ရုပ်ရှင်နေ့ နှင့် ၄၇ကြိမ်မြောက် ရုပ်ရှင်သက်ကြီးပူဇော်ပွဲ အခမ်းအနားကို အောက်တိုဘာလ၁၃ရက် နံနက်၉နာရီ ဝင်္ဂဘာလမ်းရှိ မြန်မာနိုင်ငံရုပ်ရှင်အစည်းအရုံး မှာ ကျင်းပခဲ့ပါတယ်။
၁၀၄နှစ်မြောက် မြန်မာ့ရုပ်ရှင်နေ့ အခမ်းအနား ကို ပြန်ကြားရေးဝန်ကြီးဌာန၊ပြည်ထောင်စုဝန်ကြီး၊ရန်ကုန်တိုင်းဒေသကြီးဝန်ကြီးချုပ်၊ရန်ကုန်တိုင်းစစ်ဌာနချုပ်တိုင်းမှူး၊ရန်ကုန်မြို့တော်ဝန် နှင့် မြန်မာနိုင်ငံရုပ်ရှင်အစည်းအရုံးဥက္ကဌတို့က မုခ်ဦးရှေ့မှာ ဖဲကြိုးဖြတ်ဖွင့်လှစ်ပေးခဲ့ပါတယ်။
ရာပြည့်ရင်ပြင် နှင့် ရုပ်ရှင်ဖခင်ကြီးများရုပ်တု အကြိုဖွင့်ပွဲအခမ်းအနား ကို သက်ကြီး သရုပ်ဆောင်ကြီးများ က ဖဲကြိုးဖြတ်ဖွင့်လှစ်ပေးခဲ့ပြီး နိဗ္ဗာန်စျေးဆိုင်များကို လှည့်လည်ကြည့်ရှုအားပေးခဲ့ပါတယ်။
အခမ်းအနား မှာ နိုင်ငံတော်စီမံအုပ်ချုပ်ရေးကောင်စီ ဥက္ကဌ က သက်ကြီး ကန်တော့ခံများ ကို ကျပ်သိန်း၁၀၀လှူဒါန်းတဲ့အတွက် နိုင်ငံတော်စီမံအုပ်ချုပ်ရေးကောင်စီ ဥက္ကဌ ကိုယ်စားပြန်ကြားရေး ဝန်ကြီးဌာန၊ပြည်ထောင်စုဝန်ကြီး ဦးမောင်မောင်အုန်း က လှူဒါန်းပေးအပ်ခဲ့ကာ မြန်မာနိုင်ငံရုပ်ရှင်အစည်းအရုံး ကိုယ်စား နာယကကြီး ဦးအောင်လွင် မှ လက်ခံရယူပေးခဲ့ပါတယ်။
ဆက်လက်ပြီး ရန်ကုန်တိုင်းဒေသကြီး အစိုးရအဖွဲ့ဝန်ကြီးချုပ်ဦးစိုးသိန်း က ရုပ်ရှင် သက်ကြီးများအတွက် သိန်း၁၄၀ ၊ ပြန်ကြားရေးဝန်ကြီး ဌာန မှ ရုပ်ရှင်သက်ကြီးများအတွက် သိန်း၂၀လှူဒါန်းပေးခဲ့ပါတယ်။
သက်ကြီးပူဇော်ပွဲ အခမ်းအနား မှာ ပြည်ထောင်စုဝန်ကြီး က မုဒိတာ ပြောကြားခဲ့ပြီး တိုင်းဒေသကြီးဝန်ကြီးချုပ် မှလည်း မုဒိတာ စကားပြောကြားခဲ့ပါတယ်။
ပြီးနောက် ရုပ်ရှင်သက်ကြီးပညာရှင်များကို တစ်ဦးချင်းမိတ်ဆက်ပေးပြီး ပူဇော်ကန်တော့ကာ လှူဖွယ်ပစ္စည်းများ ပေးအပ်ခဲ့ပါတယ်။
