ကူဝိတ် စီးပွားရေး ဖွံ့ဖြိုးတိုးတက်မှု ရန်ပုံငွေအဖွဲ့ (KFAED) နှင့် မြန်မာနိုင်ငံတို့အကြား ပူးပေါင်းဆောင်ရွက်နိုင်မည့် ကိ စ္စရပ်များကို တွေ့ဆုံဆွေးနွေးခဲ့ကြကြောင်း သိရသည်။
ကူဝိတ်နိုင်ငံဆိုင်ရာ မြန်မာသံအမတ်ကြီး ဦးချမ်းအေးမှ မေ လ(၅) ရက်က ကူဝိတ်စီးပွားရေးဖွံ့ဖြိုးတိုးတက်မှု ရန်ပုံငွေအဖွဲ့ (Kuwait Fund for Arab Economic Development -KFAED) ၏ ခေတ္တညွှန်ကြားရေးမှူးချုပ် Mr. Waleed Sh. Al-Bahar အား ၎င်း၏ ရုံးခန်း၌ သွားရောက်တွေ့ဆုံခဲ့ခြင်းဖြစ်သည်။
ထိုသို့ တွေ့ဆုံရာတွင် ကူဝိတ်စီးပွားရေးဖွံ့ဖြိုးတိုးတက်မှု ရန် ပုံငွေအဖွဲ့ (KFAED) နှင့် မြန်မာနိုင်ငံတို့အကြား ပူးပေါင်းဆောင်ရွက်နိုင်မည့် နယ်ပယ်နှင့် အလားအလာကိစ္စများကို အမြင်ချင်းဖလှယ် ဆွေးနွေးခဲ့ကြောင်း သိရသည်။
ကူဝိတ်စီးပွားရေးဖွံ့ဖြိုးတိုးတက်မှု ရန်ပုံငွေအဖွဲ့ KFAED သည် ဖွံဖြိုးဆဲနိုင်ငံများသို့ နည်းပညာအကူအညီများနှင့် ဆင်းရဲမှုလျော့ချရေးလုပ်ငန်းများအတွက် အကူအညီပေးနေသည့် အဖွဲ့အစည်းတစ်ခု ဖြစ်ကြောင်း သိရသည်။
