ဝါရှင်တန်၊မေ ၅
ကုလသမဂ္ဂ စားနပ်ရိက္ခာအစီအစဉ် (WFP) အကြီးအကဲက ဂါဇာမြောက်ပိုင်း၌ ငတ်မွတ်ခေါင်းပါးမှုဘေးသည် အဆိုးရွားဆုံးဖြစ်လာနိုင်ကြောင်း သတိပေးထားပြီး အစ္စရေး – ဟားမတ်စ်စစ်ပွဲကို အပစ်အခတ်ရပ်စဲဖို့လည်းထပ်လောင်းတောင်းဆိုခဲ့ကြောင်းသိရသည်။
ဂါဇာမြောက်ပိုင်း၌ ငတ်မွတ်ခေါင်းပါးမှုဘေးသည် အကြီးကျယ်ဆုံးဖြစ်လာနိုင်ပြီး ယခုအခါတောင်ဘက်ပိုင်းသို့ပါ ဆက်လက်ရွေ့လျားနေသည်” ဟု ကမ္ဘာ့စားနပ်ရိက္ခာအစီအစဉ်အမှုဆောင်ဒါရိုက်တာ စင်ဒီမက်ကိန်းက မေလ ၃ ရက် က အင်တာဗျူး တစ်ခုတွင်ပြောကြားခဲ့သည်။
“ကျွန်တော်တို့က အပစ်အခတ်ရပ်စဲရေးနဲ့ ဂါဇာကမ်းမြောင်ကို အကူအညီပေးပို့တဲ့အခါ လုံလုံခြုံခြုံဝင်ရောက်နိုင်ပြီး အခုနည်းလမ်းတွေနဲ့တင်မကဘဲ တခြားနည်းလမ်းတွေနဲ့ပါထောက်ပံ့ပေးနိုင်ဖို့တောင်းဆိုနေတာပါ” ဟုလည်း၎င်းကဆိုသည်။
ကမ္ဘာ့စားနပ်ရိက္ခာအစီအစဉ်သည် ဂါဇာကမ်းမြောင်ဒေသသို့ လူသားချင်းစာနာမှုအကူအညီများပေးအပ်နိုင်ရန် ကြိုးစားနေသည့် လူသားချင်းစာနာထောက်ထားမှုအဖွဲ့များစွာထဲမှတစ်ခုလည်းဖြစ်သည်။
ဂါဇာကမ်းမြှောင်၌အစားအစာရရှိမှုမှာ ယခင်ကထက်အနည်းငယ်တိုးတက်လာသော်လည်း လူပေါင်း ၂ ဒသမ ၄ သန်းနေထိုင်ရာ သိမ်းပိုက်ခံပါလက်စတိုင်းနယ်မြေတွင် အငတ်ဘေးအန္တရာယ် ဆက်ရှိနေသေးကြောင်း ကမ္ဘာ့ကျန်းမာရေးအဖွဲ့ကပြောကြားခဲ့သည်။
Source : အေအက်ဖ်ပီ/အက်ဖ်အက်စ်
