တောင်ကြီးမြို့ တန်ဆောင်တိုင် မီးပုံးပျံပွဲတော်သို့ ၈၅ ရာခိုင်နှုန်းလာရောက်လည်ပတ်မှုရှိ

0
462

ယခုနှစ်တွင် ပြန်လည်ကျင်းပသည့် တောင်ကြီးတန်ဆောင်တိုင်မီးပုံးပျံပွဲတော်သို့ ခရီးသွားဧည့်သည် လာရောက်လည်ပတ်မှုအနေဖြင့် ၈၅ ရာခိုင်နှုန်းခန့်ရှိကြောင်း ရှမ်းပြည်နယ်တောင်ပိုင်း ရိုးရာမီးပုံးပျံပညာရှင်များအသင်းမှ သိရသည်။

“ကိုဗစ်မတိုင်ခင်လို အချိန်ကို မမှီရင်တောင် ၈၅ ရာခိုင်နှုန်းလောက်အထိရှိပါတယ်။ သုံးနှစ်လောက် ရပ်နားပြီးမှ ပြန်ပြီးကျင်းပတာဆိုတော့ အခက်အခဲတွေတော့ရှိပါတယ်”ဟု ရှမ်းပြည်နယ်တောင်ပိုင်း ရိုးရာမီးပုံးပျံပညာရှင်များအသင်းမှ တာဝန်ရှိသူတစ်ဦးက ပြောကြားထားသည်။

တောင်ကြီးမြို့တန်ဆောင်တိုင် ရိုးရာမီးပုံးပျံပွဲတော်ကို ၂၀၂၃ ခုနှစ် နိုဝင်ဘာ (၂၁) ရက် ညပိုင်းက တောင်ကြီးမြို့ အဝေရာမီးပုံးပျံကွင်းတွင် စတင်ကျင်းပခဲ့ပြီး (၇၁) ကြိမ်မြောက်ရှိပြီဖြစ်ကြောင်း သိရသည်။

ထို့အပြင် ပွဲတော်ကာလအတွင်း၊ မြို့လုံးကျွတ် ဘုံကထိန် ပဒေသာပင်လှည့်လည်ပွဲ၊ မသိုးသင်္ကန်းရက်လုပ် ပူဇော်ပွဲ၊ နေ့လွှတ်မီးပုံးပျံပြိုင်ပွဲ (တစ်ကောင်ချင်း/အုပ်စုအရုပ်)၊ ယမ်းမီးကြီးညလွှတ် မီးပုံးပျံပြိုင်ပွဲနှင့် စိန်နားပန် မီးပုံးပျံပြိုင်ပွဲများကို ကျင်းပပေးသွားမည် ဖြစ်ကြောင်း သိရသည်။

ပွဲတော်ကာလအတွင်း မီးပုံးပျံအလုံးရေအနေဖြင့် နေ့လွှတ်ပြိုင်ပွဲတွင် (၆၃) လုံးနှင့် ညလွှတ်ပြိုင်ပွဲတွင် (၆၃) လုံး လွှတ်တင်သွားမည်ဖြစ်ကြောင်းလည်း သိရသည်။


LEAVE A REPLY

Please enter your comment!
Please enter your name here