ကလေးများ၏ အခွင့်အရေးနှင့်အိပ်မက်ကို ပုံဖော်သည့် ပန်းချီဆွဲပြိုင်ပွဲကို ကျင်းပသွားမည်ဖြစ်ကြောင်း UNICEF Myanmar မှသိရသည်။
အဆိုပါ ပြိုင်ပွဲ၏ ခေါင်းစဉ်မှာ “ကျွန်ုပ်၏ အခွင့်အရေး၊ ကျွန်ုပ်၏ အိပ်မက်” ဖြစ်ပြီး ပြိုင်ပွဲကို အသက် (၉) နှစ်မှ (၁၆) နှစ်အရွယ် ကလေးများ ပါဝင်ယှဥ်ပြိုင်နိုင်ကြောင်း သိရသ ည်။
ခဲခြစ်ပန်းချီကားများ၊ ရောင်စုံပန်းချီကား၊ စုပေါင်းရေးဆွဲသော ပန်းချီကားများဖြင့် ယှဥ်ပြိုင်ရမည်ဖြစ်ပြီး A3 (42 x 29,7 cm) ပုံစံ စာရွက်အရွယ်အစားထက် မကျော်ရကြောင်း၊ ကလေး၏ အမည်နှင့် အသက်အရွယ်အပြင် သက်ဆိုင်ရာ မိဘ (သို့မဟုတ်) အုပ်ထိန်းသူ ကိုယ်စားလှယ်တစ်ဦး၏ လိပ်စာ၊ဖုန်းနံပါတ်နှင့် အီးမေးလ်လိပ်စာတို့ကို ပြိုင်ပွဲဝင်ပုံ၏နောက်ကျောတွင် ရေးသားဖော်ပြထားရမည်ဖြစ်ကြောင်း သိရသည်။
ထို့အပြင် စုပေါင်းဖန်တီးရေးဆွဲသည့် ပန်းချီကားဖြစ်လျှင် ကလေးတစ်ဦးချင်းစီ၏ အမည်နှင့် အသက်အရွယ်အပြင် ကလေးတစ်ဦးစီအတွက် အသေးစိတ်အချက်အလက်များကို အသေးစိတ်ဖော်ပြရမည်ဖြစ်ကာ ပန်းချီကားအား ရေးဆွဲရခြင်းရည်ရွယ်ချက်နှင့် ပန်းချီကား၏ ဇာတ်လမ်းအကြောင်း အတိုချုပ်ကိုလည်း ပုံ၏ နောက်ကျောတွင် မဖြစ်မနေဖော်ပြရမည်ဖြစ်သည်။
အဆိုပါ ပြိုင်ပွဲဝင်ပန်းချီကားများ လက်ခံရရှိရန် သတ်မှတ်ထားသည့် နောက်ဆုံးအချိန်သည် ၂၀၂၃ ခုနှစ်၊ နိုဝင်ဘာ (၂၈) ရက် (အင်္ဂါနေ့) ဖြစ်ပြီး ပန်းချီကားကို ယူနီဆက်ဖ်မြန်မာ ရန်ကုန်ရုံးသို့ စာတိုက်၊ အမြန်ချော၊ delivery စာပို့ဆောင်ရေး အစရှိသည်တို့ဖြင့် အရောက်ပေးပို့နိုင်သလို ယူနီဆက်ဖ် ရန်ကုန်ရုံးသို့ လူကိုယ်တိုင်လည်း လာရောက်ပေးပို့နိုင်ကြောင်း အသိပေးထားသည်။
ပြိုင်ပွဲအပြီးတွင် အကောင်းဆုံးဆု (၄)ဆု ရွေးချယ်ချီးမြှင့်မည်ဖြစ်ပြီး ပြိုင်ပွဲအသက်အရွယ် အမျိုးအစား တစ်ခုစီတွင် အကောင်းဆုံး ဆုနှစ်ဆုစီ ထိုက်ထိုက်တန်တန်ဆုချီးမြှင့်မည်ဖြစ်ကြောင်းလည်း သိရသည်။
