ရွှေတိဂုံစေတီတော်သို့ ဇူလိုင်လမှ အောက်တိုဘာလအထိ လေးလတာကာလအတွင်း ဘုရားဖူးဧည့်သည် (၁၉) သိန်းကျော် လာရောက်ဖူးမြော်ခဲ့ကြောင်း ရွှေတိဂုံစေတီတော်ဘဏ္ဍာထိန်းဂေါပကအဖွဲ့မှ သိရသည်။
အဆိုပါ ကာလအတွင်း ပြည်တွင်းပြည်ပဘုရားဖူးဧည့်သည် ဝင်ရောက်မှုအနေဖြင့် ဇူလိုင်လတွင် (၄၄၀၉၁၇) ဦး၊ သြဂုတ်လတွင် (၃၆၃၂၆၁)ဦး၊ စက်တင်ဘာလတွင် (၅၀၈၅၃၁) ဦး၊ အောက်တိုဘာလတွင် (၆၇၈၉၁၅) ဦး စုစုပေါင်း (၁၉၉ ၁၆၂၄) ဦး လာရောက်ဖူးမြော်ခဲ့ကြကြောင်း စာရင်းအချက်အလက်များအရ သိရသည်။
ရွှေတိဂုံစေတီတော်သို့ ပုံမှန်အားဖြင့် တစ်ရက်လျှင်ဘုရားဖူး လာရောက်သူ တစ်သောင်းဝန်းကျင်ရှိပြီး ရုံးပိတ်ရက်ဖြစ်သည့် စနေ၊ တနင်္ဂနွေနှင့် အခါကြီးရက်ကြီးများတွင် တစ်သိန်းကျော်အထိ ဝင်ရောက်မှုရှိကြောင်း သိရသည်။
ထို့ပြင် ရွှေတိဂုံစေတီတော်သို့ ဘုရားဖူးလာ ပြည်သူများအဆင်ပြေစေရန် ၂၀၂၂ ခုနှစ် မတ်လ (၂၆) ရက်မှစ၍ ဘုရား ဖူးမြော်ချိန်ကို နံနက် (၅) နာရီမှ ည (၈) နာရီအထိ အချိန်တိုးမြှင့်ဖွင့်လှစ်ပေးခဲ့ပြီး ၂၀၂၄ ခုနှစ် ဇန်နဝါရီလ (၁)ရက်မှစ၍ နံနက် (၅) နာရီမှ ည (၉) နာရီအထိလည်းကောင်း၊ ထို့နောက် ၂၀၂၄ ခုနှစ်ဇွန်လ (၂၁) ရက်မှစ၍ နံနက် (၄) နာရီမှ ည (၁၀) နာရီအထိလည်းကောင်း တိုးမြှင့်ဖွင့်လှစ်ပေးခဲ့ကြောင်း သိရသည်