စက်မှုနှင့် အသေးစား၊ အငယ်စား၊ အလတ်စားနှင့် စီး ပွားရေးလုပ်ငန်းများဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီးဒေါက်တာချာလီသန်းက ဧရာဝတီတိုင်းရှိစက်မှုဇုန်များ လျှပ်စစ်မီးအပါအဝင် စက်မှုဇုန်များ၏လိုအပ်ချက်များကိုဖြည့်ဆည်းဆောင်ရွက်ပေးမည့်အစီအစဥ်များနှင့်ပတ်သက်၍ အထက်ပါအ တိုင်းပြောကြားခဲ့သည်။
တတိယအကြိမ် ပြည်သူ့လွှတ်တော် ဒုတိယပုံမှန်အ စည်းအဝေး(၂၅)ရက်မြောက်နေ့ဖြစ်သော ဇူလိုင် ၁၇ ရက်က ကျောင်းကုန်းမဲဆန္ဒနယ်မှ ဒေါက်တာထိန်ဝင်း ၏ MSME လုပ်ငန်းများနှင့် စက်မှုဇုန်များဖွံ့ဖြိုးတိုးတက်စေရန်ဆောင်ရွက်မည့်အစီအမံများကိုသိရှိလိုခြင်းနှင့်ပတ်သက်၍ ပြန်လည်ဖြေကြားခဲ့ခြင်းဖြစ်သည်။
ဧရာဝတီတိုင်းရှိစက်မှုဇုန်များ၏ လိုအပ်ချက်များကို စက်မှုလုပ်ငန်းနှင့် စက်မှုဇုန်ဖွံ့ဖြိုးတိုးတက်ရေးဗဟိုကော်မတီဝင် ဝန်ကြီးဌာနများ၏ ဘဏ္ဍာငွေခွဲဝေရရှိမှုအရ၊ ဒေသဆိုင်ရာကော်မတီများနှင့် စက်မှုဇုန်စီမံခန့်ခွဲရေးကော်မတီများ၏ စက်မှုဇုန်ဖွံ့ဖြိုးရေးရန်ပုံငွေမှ နှစ်အလိုက်ဦးစားပေးအစီအစဉ်အနေဖြင့် လျှပ်စစ်မီးအပြည့်အဝရရှိရေး၊ ကျွမ်းကျင်လုပ်သားများလေ့ကျင့်မွေးထုတ်ပေးနိုင်ရေး၊ ထုတ်လုပ်မှုပိုင်းဆိုင်ရာ လိုအပ် ချက်များအား ပိုမိုဖြည့်ဆည်းပေးနိုင်ရေးတို့ကို အစီအ မံများချမှတ်ဆောင်ရွက်ပေးသွားမည်ဟု ပြောကြား သည်။
ထို့ပြင် စက်မှုဇုန်ဥပဒေ၊ နည်းဥပဒေများနှင့်အညီ ဗဟိုကော်မတီအနေဖြင့် မူဝါဒချမှတ်ခြင်းနှင့် အခက်အခဲများကိုဖြည့်ဆည်းဆောင်ရွက်ပေးခြင်း၊ ဒေသဆိုင်ရာကော်မတီများနှင့် စက်မှုဇုန်စီမံခန့်ခွဲရေးကော်မတီများအနေဖြင့် အနီးကပ်ကြီးကြပ်အကောင်အထည်ဖော်ဆောင်ရွက်ခြင်းတို့ဖြင့် အုပ်ချုပ်မှုပိုင်း၊ ပေါင်းစပ်ညှိ နှိုင်းမှုအပိုင်းများကို Zone Level, Regio-nal Level, State Level အလိုက်ဖြည့်ဆည်းဆောင်ရွက်ပေးသွားမည်ဟုလည်း ပြောကြားသည်။
ထို့အတူ နိုင်ငံတော်အတွင်းရှိ MSME လုပ်ငန်းများဖွံ့ ဖြိုးတိုးတက်စေရေးအတွက် အသေးစားနှင့် အလတ် စားစီးပွားရေးလုပ်ငန်းများဖွံ့ဖြိုးတိုးတက်ရေးဥပဒေကို အသေးစား၊ အငယ်စားနှင့် အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးနှင့် အကာအကွယ်ပေးရေးဥပဒေအဖြစ် ပြင်ဆင်ပြဋ္ဌာန်းနိုင်ရေးအတွက် လုပ်ထုံး၊ လုပ်နည်းနှင့်အညီဆောင်ရွက်လျက်ရှိသည်ဟု ပြောကြားခဲ့သည်။