အိန္ဒိယနိုင်ငံသို့ တရားဝင်ခရီးစဉ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် ယနေ့ မေ ၃၁ ရက်တွင် နယူးဒေလီမြို့ရှိ သုတေသနနှင့် ဖွံ့ဖြိုးတိုးတက်ရေးအပိုင်းကိုအဓိကလုပ်ဆောင်နေသည့် NETRA (NTPC Energy Technology Research Alliance)ကိုကြည့်ရှုလေ့လာခဲ့သည်။
နိုင်ငံတော်သမ္မတ ဦးမင်းအောင်လှိုင် အား NETRA (NTPC Energy Technology Research Alliance)ကုမ္ပဏီတာ ဝန်ရှိသူများက ကာဗွန်ထုတ်လုပ်မှု သုညအဆင့်အထိလျှော့ချနိုင်ရေးဆောင်ရွက်လျက်ရှိမှု၊ စွမ်းအင်ကူး ပြောင်းမှုဆိုင်ရာစီမံချက်နှင့်ကိုက်ညီသော NETRA ၏ လုပ်ဆောင်မှုများ၊ NTPC သည် ၎င်း၏ CCUS နည်းပ ညာကို ပိုမိုကြီးမားသောအတိုင်းအတာဖြင့်တိုးမြှင့်အကောင်အထည်ဖော်ရန် NETRA (NTPC Energy Technology Research Alliance)NTPC Pudimadaka တွင်စတင်ဆောင်ရွက်နေမှု၊ ဂရင်းဟိုက်ဒရိုဂျင် ထုတ်လုပ်မှုလုပ်ငန်းများဆောင်ရွက်လျက်ရှိမှုတို့ကို ရှင်းလင်းတင်ပြခဲ့သည်။
ထို့ပြင် ကြာရှည်ခံစွမ်းအင်သိုလှောင်မှုစနစ်၊ ရေ/ရေအရင်းအမြစ်နည်းပညာများ၊ နေရောင်ခြည်စွမ်းအင်သုံးစနစ်၊ အဆင့်မြင့်သိပ္ပံနည်းကျစွမ်းအင်၊ NETRA (NTPC Energy Technology Research Alliance) ITEC စွမ်းရည်တိုး တက်ရေးအစီအစဉ်များမှ မြန်မာ နိုင်ငံသားကျွမ်းကျင်ပညာရှင်များမွေးထုတ်ပေးနိုင်ခဲ့မှုတို့ကိုလည်း ရှင်းလင်းတင်ပြခဲ့သည်။
ထို့နောက် နိုင်ငံတော်သမ္မတက အဆင့်မြင့်သိပ္ပံနည်းကျစွမ်းအင်အမျိုးမျိုးထုတ်လုပ်မှုလုပ်ငန်းစဉ်များနှင့်ပတ် သက်သည့် CO2 Based Closed Brayton Cycle Energy Storage System Plasma Gasification based Green Hydrogen Generation from MSW-RDF/ Agri-waste | 10 TPD Flue Gas-Co2 To Methanol Plant(FG-CTM)ပုံစံငယ်များအားကြည့်ရှုလေ့လာရာ ကုမ္ပဏီအကြီးအကဲနှင့် တာဝန်ရှိသူများက ရှင်းလင်းတင်ပြရာ နိုင်ငံတော်သမ္မတကသိရှိလိုသည်များအားပြန်လည်မေးမြန်းဆွေးနွေးခဲ့သည်။
ထို့အတူ နိုင်ငံတော်သမ္မတက ကုမ္ပဏီသို့ရောက်ရှိလေ့လာမှုအထိမ်းအမှတ်အဖြစ် အထိမ်းအမှတ်သစ်ပင်စိုက်ပျိုးပေးပြီးနောက် NTPC ရှိ NET zero စွမ်းအင်ထုတ်လုပ်မှုအဆင့်ဆင့်လုပ်ငန်းဆောင်ရွက်မှုများကိုကြည့်ရှုလေ့လာရာတာဝန်ရှိသူများက နေရောင်ခြည်စွမ်းအင်၊ ဘက်ထရီသိုလှောင်မှုစနစ်၊ ဟိုက်ဒရိုဂျင် အခြေခံစွမ်းအင်ထုတ်လုပ်မှုစနစ်၊ မြူနီစပယ်အမှိုက်စွန့်အမှိုက်များမှ ဓာတ်အားထုတ်ယူမှုများကို အဆင့်အလိုက်ရှင်းလင်းတင်ပြရာ နိုင်ငံတော်သမ္မတကသိရှိလိုသည်များကို မေးမြန်းဆွေးနွေးခဲ့သည်။
NETRA (NTPC Energy Technology Research Alliance)သည် အိန္ဒိယနိုင်ငံ၏ အကြီးဆုံးစွမ်းအင်ကုမ္ပ ဏီလုပ်ငန်းစုကြီးဖြစ်သော NTPC Limited ၏ လုပ်ငန်းခွဲတစ်ခုဖြစ်ကာ သုတေသနနှင့် ဖွံ့ဖြိုးတိုးတက်ရေးအပိုင်းကိုအဓိကလုပ်ဆောင်လျက်ရှိသည်။
ကမ္ဘာ့စွမ်းအင်ကဏ္ဍတွင်ဦးဆောင်လျက်ရှိသော ကုမ္ပဏီတစ်ခုဖြစ်သည့် NTPC သည် ၎င်း၏ဝန်ဆောင်မှုများနှင့် ထိရောက်မှုကို ပိုမိုတိုးတက်စေရေးအတွက် နောက်ဆုံးပေါ်နည်းပညာများ၏ အလားအလာကို အသိအမှတ်ပြုကာ NETRA သည်စွမ်းအင်ကဏ္ဍအတွက် နောက်ဆုံးပေါ်၊ ရေရှည်တည်တံ့ပြီး စီးပွားရေးအရ တွက်ခြေကိုက်သော နည်းပညာများတီထွင်ဖန်တီးရေးကို အလေးထားဆောင်ရွက်လျက်ရှိသည်။
NETRA ကုမ္ပဏီ၏ အဓိကဦးစားပေးလုပ်ငန်းနယ်ပယ်များသည် ထိရောက်မှုမြှင့်တင်ရေးနှင့် ကုန်ကျစရိတ်လျှော့ချရေး၊ စွမ်းအင်သစ်များနှင့် ပြန်လည်ပြည့်ဖြိုးမြဲသော စွမ်းအင်၊ ရာသီဥတုပြောင်းလဲမှုနှင့် ရေထိန်းသိမ်းရေး၊ ပြာအသုံးချမှု၊ ကာဗွန်ဖမ်းယူမှုနှင့် အသုံးပြုမှုနှင့် စွန့်ပစ်ပစ္စည်းများ စီမံခန့်ခွဲမှုတို့အပါအဝင် ပတ်ဝန်းကျင်ကာကွယ်ရေးတို့ပါဝင်သည်။
