ရွှေကူမြို့သို့ရောက်ရှိလာသည့် ထောက်ပံ့ပစ္စည်းများ

မကွေးတိုင်း၊ စလင်းမြို့နယ်အတွင်း၌ ရောင်းချလျက်ရှိသော စက်သုံးဆီအရောင်းဆိုင်များအား မြို့နယ်မီး သတ်တပ်ဖွဲ့ဝင်များက ရာသီဥတုပြောင်းလဲမှုများ ကြောင့် မီးဘေးအန္တရာယ်ကင်းဝေးစေရေးအတွက် ဇွန် ၆ ရက်က စစ်ဆေးခဲ့ကြသည်။ မီးသတ်ဦးစီးဌာနက သတ်မှတ်ထားသော စည်းမျဉ်း၊ စည်းကမ်း၊ သတ်မှတ်ချက်စံနှုန်းများနှင့်အညီ စီစဉ်ဆောင်ရွက်ထားခြင်း ရှိ/မရှိ၊ ရေတွင်း၊ ရေကန်များတည်ဆောက်ထားရှိမှုများတိုင်းတာခြင်းတို့ကိုပြုလုပ်ခဲ့ကြသည်။ ထို့ပြင် မီးဘေးအန္တရာယ်ဖြစ်ပွားလာပါက လက်တွေ့မီးငြိမ်းသတ်ခြင်း၊ မီးငြှိမ်းသတ်ရေးပစ္စည်ကိရိယာများ  ကြံ့ခိုင်ကောင်းမွန်ရေးအတွက် စမ်းသပ်မောင်းနှင် သရုပ်ပြခြင်းတို့ကိုလည်းပြုလုပ်ခဲ့ကြသည်။

ဒေသဖွံ့ဖြိုးရေးနှင့် MSME လုပ်ငန်းများ ဖွံ့ဖြိုးတိုးတက်စေရေးအတွက် ဌာနဆိုင်ရာဝန်ထမ်းများအနေဖြင့် ညီညွတ်စွာ ဝိုင်းဝန်းပူးပေါင်းဆောင်ရွက်ကြရန် စက်မှုနှင့် MSME ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းက တိုက်တွန်းပြောကြားခဲ့သည်။ ပြည်ထောင်စုဝန်ကြီးသည် မန္တလေးတိုင်းဒေသကြီး ရမည်းသင်းမြို့ရှိ အမှတ်(၈) အထည်စက်ရုံခွဲနှင့် ပျော်ဘွယ်မြို့ရှိ အမှတ်(၈) အထည်စက်ရုံတို့အား သွားရောက်ကြည့်ရှုစစ်ဆေးစဉ် ဝန်ထမ်းများနှင့် တွေ့ဆုံ၍ ယင်းကဲ့သို့ ပြောကြားခဲ့ခြင်းဖြစ်သည်။ ထို့ပြင် ပျော်ဘွယ်အထည်စက်ရုံမှ ထုတ်လုပ်သည့် ချည်မျှင်များသည် ဈေးကွက်ဝင်ထုတ်ကုန်များဖြစ်သဖြင့် ကုန်ထုတ်လုပ်မှုလုပ်ငန်းများ ပိုမိုတိုးမြှင့်ဆောင်ရွက်နိုင်ရေး စီမံဆောင်ရွက်သွားရန် လိုအပ်ကြောင်းလည်း ပြောကြားခဲ့သည်။ ထုတ်ကုန်များ၏ အရည်အသွေးကောင်းမွန်ရေးကို အထူးအလေးထားကြပ်မတ်ဆောင်ရွက်ရန်လည်း ပြည်ထောင်စုဝန်ကြီးက မှာကြားခဲ့ကြောင်း သိရသည်။

ကျန်းမာရေးကဏ္ဍ ပူးပေါင်းဆောင်ရွက်မှုများ တိုးမြှင့်ဆောင်ရွက်နိုင်ရေးအတွက် ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းသည် တရုတ်နှင့် လာအိုနိုင်ငံမှ ကျန်းမာရေးတာဝန်ရှိသူများနှင့် သီးခြားတွေ့ဆုံဆွေးနွေးခဲ့ကြောင်း သိရသည်။ ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် လာအိုနိုင်ငံ၊ ဗီယင်ကျန်းမြို့၌ ဇွန် ၅ ရက်က ကျင်းပသည့် (၁၀)ကြိမ်မြောက် အာရှ-ပစိဖိတ်ဒေသ ငှက်ဖျားရောဂါကင်းစင်ပပျောက်ရေးဆိုင်ရာ ခေါင်းဆောင်များအစည်းအဝေးသို့ တက်ရောက်ခဲ့ပြီးနောက် တရုတ်ပြည်သူ့သမ္မတနိုင်ငံ အမျိုးသားကျန်းမာရေးကော်မရှင် ဒုတိယဝန်ကြီး Dr. Yong Zhang နှင့် တွေ့ဆုံခဲ့ခြင်းဖြစ်သည်။ တွေ့ဆုံစဉ် မြန်မာ-တရုတ်နယ်စပ်ဒေသများတွင် ငှက်ဖျားရောဂါနှင့် အခြားကူးစက်ရောဂါများ ကာကွယ်ထိန်းချုပ်ရေးလုပ်ငန်းများ ပိုမိုပူးပေါင်းဆောင်ရွက်နိုင်ရေးကို ဆွေးနွေးခဲ့ကြသည်။ ထို့နောက် လာအိုနိုင်ငံ...