မြန်မာနိုင်ငံ ရန်ကုန်မြို့နှင့် တရုတ်နိုင်ငံ ကွမ်ကျိုးမြို့အကြား ပြေးဆွဲလျက်ရှိသည့် လေကြောင်းခရီးစဉ်များကို လာမည့် ဇွန်လအတွင်း တိုးချဲ့ပြေးဆွဲသွားမည်ဖြစ်ပြီး တစ်ပတ်လျှင် ၁၀ ကြိမ်အထိ ပျံသန်းသွားမည်ဖြစ်ကြောင်း သက်ဆိုင်ရာ လေကြောင်းလိုင်းများထံမှ သိရသည်။
ကွမ်ကျိုး-ရန်ကုန် လေကြောင်းခရီးစဉ်ကို ပြေးဆွဲလျက်ရှိသည့် China Southern Airlines သည် လက်ရှိ နေ့စဉ်ပျံသန်းပြေးဆွဲနေရာမှ ဇွန်လ ၁၅ ရက်နေ့စတင်၍ အပတ်စဉ် တနင်္လာနေ့၊ ဗုဒ္ဓဟူးနေ့နှင့် စနေနေ့များတွင် ထပ်မံခရီးစဉ်အသစ်များ တိုးချဲ့ပြေးဆွဲသွားမည်ဖြစ်ကြောင်း ထုတ်ပြန်ထားသည်။
ယင်းသို့ တိုးချဲ့ပြေးဆွဲပြီးနောက် ကွမ်ကျိုး-ရန်ကုန် ခရီးစဉ်ကို တစ်ပတ်လျှင် စုစုပေါင်း ၁၀ ကြိမ်အထိ ပျံသန်းပြေးဆွဲပေးသွားမည်ဖြစ်ကြောင်း သိရသည်။
ထို့အပြင် အပြည်ပြည်ဆိုင်ရာ မြန်မာလေကြောင်း (MAI) သည်လည်း ရန်ကုန်-ကွမ်ကျိုး ခရီးစဉ်ကို လက်ရှိ တစ်ပတ်လျှင် လေးကြိမ် ပြေးဆွဲနေရာမှ ဇွန်လ ၃၀ ရက်နေ့စတင်၍ နေ့စဉ် တိုက်ရိုက်ပျံသန်းပြေးဆွဲသွားမည်ဖြစ်ကြောင်း အသိပေးထုတ်ပြန်ထားသည်။
လေကြောင်းခရီးစဉ်များ တိုးချဲ့ပြေးဆွဲလာခြင်းသည် မြန်မာ-တရုတ် နှစ်နိုင်ငံအကြား ခရီးသွားလာမှုနှင့် ကုန်သွယ်ရေးဆိုင်ရာ ဆက်ဆံရေးများ ပိုမိုတိုးတက်လာစေရန် အထောက်အကူဖြစ်စေမည်ဖြစ်ကြောင်း ခရီးသွားလုပ်ငန်းအသိုင်းအဝိုင်းများက သုံးသပ်ထားကြသည်။